अर्थ / वाणिज्य

म्याग्दीको विकास बजेट एघार महिनामा आधा रकम मात्रै खर्च

म्याग्दी, ६ असार । पूर्वाधार योजना निर्माणमा भएको ढिलासुस्तीका कारण म्याग्दीमा चालु आर्थिक वर्ष २०७३–७४ को एघार महिनाको अवधिमा आधा मात्र बिकास बजेट खर्च भएको छ ।

म्याग्दी स्थित सरकारी कार्यालय मार्फत सञ्चालीत योजना तथा कार्यक्रमका लागि ५६ करोड २० लाख ६० हजार ५ सय ६० रुपैयाँको अख्तियारी प्राप्त भएकोमा असार ४ गतेसम्म २९ करोड ६३ लाख १२ हजार ५ सय ८३ रुपैया पुँजीगत बजेट खर्च भएको कोष तथा लेखा नियन्त्रकको कार्यालयले जनाएको छ ।

बिनियोजित बजेटको समयमै खर्च गर्ने अख्तियारी नआउनु, अन्तिम समयमा हतारमा काम गर्ने प्रवृत्ती बढ्नु, पुर्वाधार योजनाको सर्वेक्षण, अनुगमन र मूल्याङ्कनका लागि प्राबिधिक जनशक्तिको कमी, उपभोक्ता र निर्माण व्यवसायीको ढिलासुस्ती, झञ्झटीलो प्रक्रिया, कर्मचारीमा ईच्छाशक्तिको कमी, स्थानीय तहको खाता सञ्चालन र कर्मचारी व्यवस्थापनको समस्या, चुनावी आचारसंहिता लगायतका कारणले अपेक्षाकृत रुपमा विकास बजेट खर्च हुन नसकेको हो ।

आर्थिक वर्ष सकिन करिब तीन साता बाँकी रहँदा २६ करोड ५७ लाख रुपैया खर्च हुन सकेको छैन् । शत प्रतिशत बजेट कार्यान्वयन हुन दैनिक एक करोडको हाराहारीमा खर्च गर्नुपर्ने देखिन्छ ।

सडक, खानेपानी, भवन, सिंचाई, नदी नियन्त्रण, विद्युतीकरण लगायत पूर्वाधार सम्बन्धि विकास आयोजनाले आर्थिक वर्ष सकिनै लाग्दा तिब्रता पाएका छन् । आर्थिक वर्षको अन्तमा बजेट सक्ने उद्देश्यले गरिने काम दिगो नहुने र बजेट दुरुपयोग हुने खतरा हुन्छ ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही अर्थ / वाणिज्य बाट

ताजा