बिशेष समाचार

अन्तर्राष्ट्रिय नारी दिवस, महिलाको नेतृत्व संसारका कुन–कुन ठाउमा

हिमाल कोइराला । आज मार्च आठ अर्थात् अन्तर्राष्ट्रिय नारी दिवस । सन् २०१७ मा नारी दिवस मनाइरहँदा आज पनि विश्वमा महिलाहरु पछि परेको देखिन्छ । त्यसैको एक उदाहरणका रुपमा महिलाहरु मुलुकको नेतृत्व तहमा नपुग्नुलाइ लिन सकिन्छ ।
हाल विश्वका १५ मुलुकमा मात्र महिलाहरु मुलुकको नेतृत्व गर्ने पद अर्थात् राष्ट्रपति वा प्रधानमन्त्रीका रुपमा रहेका छन् । हाम्रै मुलुक नेपालमा विद्या भण्डारी विगत डेढ वर्षयता राष्ट्रपतिको भूमिका निर्वाह गरिरहेकी छिन् । अर्को दक्षिण एशियाली मुलुक बगंलादेशमा पनि शेख हसिना वाजेद सन् २००९ देखि प्रधानमन्त्री रहेकी छिन् । त्यस्तै ताइवानमा साइ इन वेङ गत वर्ष भएको आम निर्वाचनमा विजयी भएर राष्ट्रपतिका रुपमा कार्यरत छिन् । युरोपका ८ मुलुकमा महिलाको नेतृत्व रहेको छ । बेलायतमा टेरेजा मेले प्रधानमन्त्रीका रुपमा गतवर्षको जुलाइदेखि पद सम्हालिरहेकी छिन् । एन्गेला मर्केल विगत १२ वर्षयता चान्सलरको रुपमा जर्मनीको नेतृत्व गरिरहेकी छिन् ।
एर्ना सोल्बर्गले साढे तीन वर्षयता प्रधानमन्त्रीका रुपमा नर्वेलाइ विकासको पथमा अघि बढाइरहेकी छिन् । पोल्याण्डमा पनि बेइटा स्ज्दालो विगत दुइ वर्षयता प्रधानमन्त्रीका रुपमा रहेकी छिन् । आगामी मार्च १० मा पुर्व सोभियत मुलुक इस्टोनियाकी राष्ट्रपति केर्स्टी कालुलेइदले राष्ट्रपतिको पद सम्हालेको ५ महिना पुरा हुनेछ । अर्को पुर्व सोभियत मुलुक लिथुएनियामा डालिया ग्राइबउस्केट सन् २००९ यता राष्ट्रपतिका रुपमा आफ्नो जिम्मेवारी पुरा गरिरहेकी छिन् । युरोपको अर्को मुलुक क्रोएशियामा कोलिन्दा गर्बार कितारोबिच दुइ वर्षयता राष्ट्रपतिको पदमा आसिन छिन् ।
भूमध्य सागरीय टापु मुलुक माल्टाकी राष्ट्रपति मारेइ लुइस कोलेइरो प्रेकाले पनि पद सम्हालेको तीन वर्ष पनि पुगेको छैन । ल्याटिन अमेरिकी मुलुक चिलीमा मिशेल बाचलेटले राष्ट्रपतिको जिम्मेवारी सम्हालेको तीन वर्ष पुगेको छ । पश्चिम अफ्रिकी मुलुक लाइबेरियामा एलेन जोनसन सरलेफ ११ वर्षयता राष्ट्रपतिको भूमीकामा रहेकी छिन् । दक्षिण प्रशान्त महासागरीय टापु मुलुक मार्शल टापुमा हिल्डा हेइनले गत वर्षको जनवरीदेखि राष्ट्रपतिको जिम्मेवारी बहन गरिरहेकी छिन् ।
त्यस्तै हिन्द महासागरको पश्चिममा रहेको अर्को टापु मुलुक मौरिससमा पनि अमिना गुरी फकिम राष्ट्रपतिका रुपमा सन् २०१५ को डिसेम्बर देखि राष्ट्रपतिका रुपमा रहेकी छिन् । दक्षिण कोरियाली राष्ट्रपति पार्क गुन हेलाइ भने त्यहाँको संसद्ले महाअभियोग लगाएको छ । दक्षिण कोरियाली संवेधानिक अदालतले उनको फौसला आगामी शुक्रबार गर्ने जनाएको छ ।

SHAREShare on Facebook0Tweet about this on Twitter0

1 comment

  1. 337864 306734Some genuinely good and valuable information on this site , besides I feel the style contains great capabilities. 611317

Leave a Reply

Your email address will not be published. Required fields are marked *

थप केही बिशेष समाचारबाट

ताजा