बिशेष समाचार

शिवरात्रीका लागि तयारी अन्तिम चरणमा, १२ लाख दर्शनार्थी आउने अपेक्षा

काठमाडौ, ६ फागुन । पशुपति क्षेत्र विकास कोषले शिवरात्रीको तयारी अन्तिम चरणमा पुगेको जनाएको छ । बर्षेनी शिवरात्रीका दिन संसार भरिका लाखौंको भक्तजन पशुपति क्षेत्रमा दर्शन गर्नका लागि आउने भएकाले शिवरात्रीलाई हिन्दु र नेपालीहरुले उल्लाससाथ मनाउने गर्छन ।
पशुपति आउने ठुलो दर्शनार्थीको भीडलाई व्यवस्थित गर्न कोषले ९ वटा उपसमिति गठन गरेको छ । आवास तथा भोजन, स्वयंसेवक, प्राथमिक स्वास्थ्य, मेला व्यवस्थापन, प्रचार–प्रसार, बत्ती व्यवस्थापन, सुरक्षा, साधुसन्त तथा धार्मिक र अर्थ उपसमिति गठन भएको हो । गत वर्ष महाशिवरात्रिमा भारत लगायत अरु मुलुकबाट १२ लाख भक्तजन पशुपति आएको कोषले जनाएको छ ।
यस वर्ष भने पशुपति क्षेत्रमा करिब १३ लाख दर्शनार्थीले दर्शन गर्न आउने अनुमान कोषको छ । यस वर्षबाट कोषले मन्दिर प्रवेश पासको व्यवस्था हटाएको छ । त्यस्तै १ हजारको श–सुल्क पनि कटौती गरेको छ ।
महाशिवरात्रिमा भारत र विश्वका विभिन्न ठाउँबाट पशुपतिमा भक्तजन आउँछन् । यस वर्ष माघ २७ गते देखि नै पशुपतिमा साधुसन्त आउन थालेका छन् । यस वर्ष महाशिवरात्रि फागुनको १३ गते छ । हिन्दुहरुले महाशिवरात्रि व्रत बसेर, पूजा गरेर मनाउने गरेका छन ।

भगवान शिवको आराधना गरी मनाउने चाड शिवरात्री नेपाली र संसारभरका हिन्दुहरुका लागि महत्वपूर्ण पर्व भएकाले अत्यन्त आस्थाका साथ मनाउने गरेका छन ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही बिशेष समाचारबाट

ताजा