अब बन्ने संविधान जनवादी नहुने प्रधानमन्त्रीको भनाइ
Share |
फागुन-२ बारा ।
प्रधानमन्त्री डाक्टर बाबुराम भट्टराईले नयाँ संविधान लोकतान्त्रिक र जनवादी नभई समावेशी र सहभागितामूलक बन्ने दाबी गर्नुभएको छ । माओवादी अध्यक्ष पुष्पकमल दाहालले जनयुद्ध दिवसको अबसर पारेर सोमबार जनसंविधान नबने विद्रोहमा जान तयार रहन कार्यकर्ताहरुलाई आग्रह गरेको २४ घण्टा नबित्दै हिजो बारामा भएको कार्यक्रममा माओवादी उपाध्यक्षसमेत रहनुभएका भट्टराईले यस्तो दाबी गर्नुभएको हो । उहाँले गलत मानसिकता भएकाहरु नेतृत्वमा रहेकाले मुलुक विकृत बन्दै गएको टिप्पणी गर्नुभयो । प्रधानमन्त्री भट्टराईले सभासद् तथा मन्त्री भइसकेका व्यक्तिहरु अपहरणलगायतका आपराधिक कि्रयाकलापमा व्यस्त रहनु प्रहरी उच्च अधिकारीहरु भ्रष्टाचार मुद्दा खेपिरहनुले मुलुककै बदनाम भएकॊ भन्दै चिन्ता व्यक्त गर्नुभयो । उहाँले संविधान जेठ १४ भित्रै बन्ने दावी गर्दै आफ्नै नेतृत्वको सरकार नै राष्ट्रिय सहमतिको सरकार बन्ने दाबी गर्नुभयो । उहाँले फागुनभित्र शान्त्रि प्रकि्रया टुङ्गिने विश्वाससमेत व्यक्त गर्नुभयो ।
प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
 
 
   
थप समाचारहरु :: समाज
१.   काठमाडौंको बाङ्गेमुढामा आगलागी
असोज २ काठमाडौंको बाङ्गेमुढामा आज बिहान आगलागी हुँदा दुई घर जलेर ध्वस्त भएका छन् । विहान ९ बजेतिर स्थानीय उमाराज राजभण्डारीको घरबाट सल्केको आगो अर्को घरमा समेत फैलिंदा दुवै घर ध्वस्त भएका हुन ।
२.   राजधानीको सुरक्षा व्यवस्थामा कडाई
असोज ०२ चाडवाडका समयमा हुने चोरी तथा लुटपाट जस्ता अपराधलाई लक्षित गर्दै प्रहरीले काठमाडौंमा विशेष सुरक्षा योजना लागू गरेको छ । महानगरीय प्रहरी परिसर काठमाडौंले पत्रकार सम्मेलन गरी दशैतिहारको अवधिमा कुनै पनि नागरिकले दुखद् घटना बेहोर्नु नपरोस् र सबैले शान्तिपूर्ण ढंगले चाडपर्व मनाउन पाउन् भन्ने उद्देश्यले विशेष सुरक्षा योजना ल्याएको जनाएको हो ।
३.   अख्तियारको निगरानी
भदौ ३१, केही समयदेखि भ्रष्टाचार नियन्त्रणमा सक्रिय अख्तियार दुरुपयोग अनुसन्धान आयोगले पियनदेखि हाकिमसम्मलाई घुस लिदालिदै पक्रेको छ । अनियमिततामा कर्मचारी मात्र होइन विश्वविद्यालयका पदाधिकारीसमेत भ्रष्टाचारमा मुछिएका छन् । देशकै पूरानो र ठूलो त्रिभुवन विश्वविद्यालयदेखि उच्च मावि शिक्षा परिषद्सम्मका कामको अनुसन्धान गरिरहेको अख्तियारले शिक्षा मन्त्रालयसम्मलाई निगरानीमा राखेको छ ।
४.   चौध अस्पतालमा अध्यक्ष नियुक्त
भदौ २७ सरकारले चौध वटा अस्पातलमा अध्यक्ष नियुक्त गरेको छ । सिंहदरवारमा बसेको हिजो बसेको मन्त्रिपरिषद्को बैठकले काठमाडौंसहित विभिन्न जिल्लामा रहेका सरकारी अस्पतालमा अध्यक्ष नियुक्त गरेको हो ।
५.   एसएलसी मौका परीक्षाको नतिजा आज
काठमाडौं, २२ भदौ । परीक्षा नियन्त्रण कार्यालय सानोठिमी भक्तपुरले यसवर्षको एसएलसी मौका परीक्षाको नतिजा आज सार्वजनिक गर्दै छ । परीक्षा नियन्त्रक विष्णु द्वारेले आज एसएलसी पूरकको नतिजा सार्वजनिक गरिने जानकारी दिएका छन् । पूरक परीक्षा साउन २० देखि २७ गतेसम्म सञ्चालन भएको थियो ।
६.   चाडपर्व नजिकिदै, कालो बजारी बढ्दो, सरकारी निकाय निष्क्रिय
भदौ २० दशै, तिहार, छठ लगायत चाडपर्व नजिकिँदै गर्दा बजारमा कालोबजारी पनि बढ्ने गर्छ । कालोबजारी रोक्नका लागि सरकारी निकायबाट भने त्यति प्रभावकारी काम हुन सकेको छैन । अघिल्ला वर्ष नियमित जसो बजार अनुगमन गरेको वाणिज्य विभागले यो वर्ष त चाडपर्व लक्षित अनुगमनसम्म थालेको छैन । चाडपर्व नजिकिएसंगै बजारमा अनियमित गतिविधि देखिन थालिसको छ । तर बजार अनुगमन र आपूर्ति व्यवस्थापनको जिम्मा पाएको वाणिज्य तथा आपुर्ती ब्यवस्थापन विभाग भने बल्ल बजार अनुगमनको चाँजोपाँजो मिलाउदै छ । अघिल्ला दुई वर्ष करीब नियमित जस्तै भएको बजार अनुगमन गरे पनि यो वर्ष भने अहिलेसम्म सुरु भएको छैन । चाडपर्वलाई लक्षित अनुगमनका लागि राजधानी तथा क्षेत्रीय स्तरमा टोली बनाउन लागेको विभागको भनाइ छ । चाडपर्वको समयमा मिठाइ, खाद्यान्नदेखि लत्ताकपडासम्म बढी खपत हुन्छ ।
७.   सार्जजनिक यातायातको भाडा बढ्ने
भदौ २० चाडपर्व नजिकिदै गर्दा सार्वजनिक यातायातको भाडा बढ्ने तयारीमा छ । यातायात व्यवस्था विभागले सार्वजनिक सवारी साधनको भाडा ५ देखि ७ प्रतिशतले बढाउने गरी तयारी गरिरहेको छ । यातायात व्यवासायीको दवाबपछि वैज्ञानिक भाडा समायोजनको सिफारिस विभागले मन्त्रालयमा पठाएको छ । मन्त्रालयले स्वीकृति दिनासाथ सार्वजनिक गाडीको भाडा महंगिने छ । लामो तथा छोटो दूरीमा चल्ने सार्वजनिक सवारी साधनको भाडा करिब ५ देखि ७ प्रतिशतले बढ्ने भएको छ । पट्रोलियम पदार्थको मूल्य करीब पाँच प्रतिशत बढेको तर बैज्ञानिक भाडादर समायोजन नभएको भन्दै यातायात व्यवसायीले दवाब दिए पछि सरकारले भाडा बढाउने तयारीलाई अन्तिम चरणमा पुयाएको छ । यातायात व्यवस्था विभागले पट्रोलियम पदार्थमा भएको मूल्यबृद्धि अनुसार भाडा समायोजनको खाका तयार पारेर यातयात मन्त्रालयमा स्वीकृतीका लागि पठाइसकेको छ ।
८.   दुई नेपाली मूलका नागरिक कतारमा चार दिनदेखि बेपत्ता
भदौ २० कतारमा दुई नेपाली मुलका ब्रिटेन नागरिक तथा अधिकारकर्मी चार दिनदेखि हराईरहेका छन् । नेपाली मजदुरहरूको मानवअधिकारको अवस्थाबारे रिपोर्टिङ गर्न ब्रिटेनबाट कतार पुगेका कृष्ण उपाध्याय र गुणदेव घिमिरे बेपत्ता छन् । उनीहरूलाई सादा पोशाकका प्रहरीले नियन्त्रणमा लिएको बुझिएको छ ।
९.   आज गौरा पर्व
भदौ १७ प्रत्येक बर्ष भाद्र शुक्ल अष्टमीका दिन मनाइने गौरा पर्व उमा महेश्वर सहित दुवोको पुजा गरेर आज सुदुरपश्चिमका जिल्ला सहित काठमाडौमा समेत मनाईंदैछ । विशेषगरी सुदूरपश्चिममा मनाइदै आएको यो पर्वका दिन सुदूरपश्चिमवासीहरु देउडा गीत गाएर नृत्य गरी रमाइलो गर्छन् । दुबोको समेत पूजा गरिने भएकाले यो अष्टमीलाई दुर्वाष्टमी पनि भनिन्छ । दुबो जसरी फैलिन्छ त्यसरी मानव जगतको उन्नती र प्रगति होस भन्ने कामनाका साथ उमामहेश्वरको पूजा, उपासना र ब्रतसमेत गरिने धार्मिक प्रचलन रहेको छ ।
१०.   चाडपर्व नजिकिएसंगै कालोबजारी शुरु
भदौ १६ दशै, तिहार र छठजस्ता पर्व नजिकिएसंगै लत्ताकपडा तथा उपभोग्य बस्तुको माग बढ्नु स्वभाविक हो । यही मौका छोपेर उपभोक्ता ठग्नेहरु सक्रिय हुन थाल्छन् । चाडपर्वको मौका छोपेर अकुत कमाउन पल्किएका कालाबजारीविरुद्ध सरकारी अभियान कस्तो छ त ? हरेक बर्षका चाडपर्वअघि सुनिने आवाज हो यो । सरकारी संयन्त्र विभिन्न बहानामा उपभोक्ता ठग्ने बिरुद्ध अनुगमन र कारबाही भएको दाबी हरेक बर्ष गरिरहन्छ । अनी उपभोक्ता सधैजसो मूल्य बृद्धि र कालाबजारीको मारमा परिरहन्छन् । यहि हो नेपाली उपभोक्ताले हरेक बर्ष चाडपर्वसँगै पाउने उपहार ।
११.   टिपर व्यवसायिको आन्दोलन
भदौ १६ ट्रक तथा टिपर व्यवसायी विगत दुई सातादेखि बालुवा, ढुंगा गिट्टीको सहज निकासीको माग राख्दै आन्दोलनमा छन् । सरकारले रोजीरोटीको विकल्प नै नदिइ निकासीमा प्रतिबन्ध लगाएको उनीहरूको आरोप छ । तर सरकारले भने निर्माण सामग्रीको उत्खनन र निकासी व्यवस्थित बनाउन मापदण्ड बनाइरहेको बताएको छ । झट् हेर्दा गाडी पार्किङ गर्ने ठाउँ जस्तो देखिएको काठमाडौ तिनकुनेको यो खालीमा ठाउँमा सयौँ ट्रक तथा टिपर देख्न सकिन्छ । यी ट्रक तथा टिपर तीनकुनको वीचमा रहेको पूरै खाली ठाउँ ढाक्ने गरी विगत दुई सातादेखि राखिएका छन् । सरकारले चुरे क्षेत्रबाट बालुवा, ढुंगा, गिट्टीको निकासीमा प्रतिबन्ध लगाएपछि टिपर व्यवसायी विरोधमा उत्रिएका छन् ।
१२.   काठमाडौं महानगरपालिकामा छापा
भदौ १५ अख्तियार दुरुपयोग अनुसन्धान आयोगले काठमाडौं महानगरपालिकाको कार्यालयमा छापा मारी कागजातहरू नियन्त्रणमा लिएको छ ।
१३.   ६४ प्रहरी उपरिक्षकको सरुवा
भदौ १३, एआइजी बढुवा पश्चात बाटो सहज भएपछि प्रहरी प्रधान कार्यालयले ६४ जना प्रहरी उपरिक्षकको सरुवा गरेको छ । प्रहरी प्रधान कार्यालयले बिहीबार सार्वजनिक गरेको सरुवा सूचीअनुसार महानगरीय अपराध अनुसन्धान महाशाखा हनुमान ढोकामा प्रकास अधिकारी सरुवा भएका छन् । त्यस्तै अपराध महाशाखामा रहेका विकास श्रेष्ठ महानगरीय प्रहरी परिसर भक्तपुर पुगेका छन् । भक्तपुरका जगतमान श्रेष्ठ दंगा नियन्त्रण प्रहरी गण बाँके पुगेका छन् ।
१४.   एक सय ४९ औं जन्मजयन्ती
भदौ ९ राष्ट्रिय विभूति युगकवि मोतीराम भट्टको एक सय ४९ औं जन्मजयन्ती नेपालभर विभिन्न कार्यक्रम गरी मनाइएको छ । विक्रम सम्बत् १९२३ भाद्र कृष्ण औंसीका दिनमा जन्मेका मोतीरामको विक्रम सम्बत १९५३ भाद्रकृष्ण औंसीकै तिथिमा अल्पायुमा निधन भएको थियो । नेपाली साहित्यको श्रीवृद्धिमा मोतीरामको योगदान महत्वपूर्ण छ ।
१५.   आज बाबुको मुख हेर्ने दिन
भदौ ९ आज भाद्रकृष्ण औंशी अर्थात् बुबाको मुख हेर्ने दिन । सनातन हिन्दु धर्मावलम्बीहरू आफ्ना बुबाको सम्मान गर्दै यो पर्व मनाउँदछन् । छोराछोरीले मीठा मीठा खानेकुरा र लुगा उपहार दिंदै आज बुवाको मुख हेर्छन । बाबु नहुनेहरू भने पवित्र तीर्थस्थलमा गएर दिवंगत बाबुको सम्झनामा तर्पण र श्राद्ध गर्दछन् ।