समाचार

चुनावअघि सरकार नछाड्ने माओवादीको निर्णय

काठमाडौ, २१ असोज । सत्ता साझेदार नेकपा माओवादी केन्द्रले प्रदेश सभा र प्रतिनिधि सभा निर्वाचन सम्पन्न नभएसम्म सरकार नछाडने स्पष्ट पारेको छ ।

शनिवार सम्पन्न पार्टी पोलिटव्युरो बैठकले आगामी मंसीर १० र २१ गते २ चरणमा हुने प्रदेश सभा र प्रतिनिधि सभा निर्वाचन सम्पन्न नभएसम्म सरकार नछाडने निर्णय गरेको हो ।

निर्वाचन सम्पन्न गराउने दायित्व पूरा गर्न सरकारमा सहभागी भएकाले सोही अनुसार अघि बढने निर्णय लिइएको पार्टीका नेता वर्षमान पुनले जानकारी दिनु भयो । माओवादी केन्द्रले संविधान कार्यान्वयन र चुनाव सम्पन्न गर्ने दायित्व पूरा गर्न केन्द्रित हुन सत्तारुढ काँग्रेसको समेत ध्यानाकर्षण गराएको छ ।

माओवादी केन्द्रले एमाले र नयाँ शक्ति पार्टी, नेपालसँग चुनावी तालमेल र पार्टी एकीकरण गर्ने सहमति इमान्दारिताका साथ पालना गर्ने निर्णय पनि गरेको छ । बाम एकताको बैचारिक आधार तय गर्न आवश्यक वहसलाई पनि अघि बढाउने निर्णय लिइएको नेता पुनले बताउनु भयो ।

बैठकमा पार्टी अध्यक्ष पुष्पकमल दाहाल, वरिष्ठ नेताद्धय नारायणकाजी श्रेष्ठ र रामबहादुर थापाले एमाले र नयाँ शक्ति पार्टी, नेपालसँग प्रदेश सभा र प्रतिनिधि सभा निर्वाचनका लागि चुनावी तालमेल र पार्टी एकीकरण गर्ने सहमति गर्नुको औचित्यमाथि प्रष्ट पार्ने प्रयास गर्नु भएको थियो ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही राष्ट्रिय समाचारबाट

थप केही अन्तराष्ट्रिय समाचारबाट