समाचार

चुनावी सुरक्षामा कुनै कमी छैन–मन्त्री निधि

काठमाडौ, ६ बैशाख । उपप्रधान तथा गृहमन्त्री विमलेन्द्र निधिले निर्वाचनका लागि सुरक्षाको कुनै कमी हुन नदिने प्रतिवद्धता व्यक्त गर्नु भएको छ ।

गृहमन्त्री निधिले निर्वाचनका लागि सुरक्षासम्बन्धि सम्पूर्ण तयारी पूरा गरिएको पनि स्पष्ट पार्नु भयो । गृहमन्त्री निधिले ‘निर्वाचन आयोगको तयारी र सुरक्षा प्रबन्ध मात्रै निर्वाचनका लागि पर्याप्त नरहेको’ भन्दै सामाजिक सञ्जालमा ट्वीट गरेपछि विवादमा आउनु भएको थियो । तर बुधबार प्रधानमन्त्री निवास बालुवाटार परिसरमा संचारकर्मीसँग संक्षिप्त प्रतिक्रिया दिँदै उहाँले निर्वाचनका लागि आवश्यक सबै सुरक्षाको बन्दोबस्त गरिएको स्पष्ट पार्नु भयो । गृहमन्त्री निधिले सुरक्षा निकाय निर्वाचनको सुरक्षा दिन तयारी अवस्थामा रहेको पनि जानकारी दिनु भयो ।

गृह मन्त्रालयले सुरक्षा अंगका चारवटै निकायलाई निर्वाचनमा परिचालन गर्ने गरी सुरक्षासम्बन्धि योजना बनाईसकेको छ । गृहमन्त्री निधिले केन्द्रिय सुरक्षा समितिको बैठक बसी स्थानीय तहको निर्वाचनमा नेपाल प्रहरी, सशस्त्र प्रहरी बल, राष्ट्रिय अनुसन्धान र नेपाली सेनालाई परिचालन गर्ने निर्णय लिइएको पनि उल्लेख गर्नु भयो । गृह मन्त्रालयले निर्वाचनलाई लक्षित गरेर ७ वटै प्रदेशमा सुरक्षा गोष्ठी पनि संचालन गरिसकेको छ । सरकारले स्थानीय तहको निर्वाचनमा ७५ हजार म्यादी प्रहरी पनि परिचालन गर्नेछ ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही राष्ट्रिय समाचारबाट

थप केही अन्तराष्ट्रिय समाचारबाट