समाचार

माओवादी केन्द्रले गर्यो सरकारबाट बाहिरिने निर्णय

काठमाडौ, ३१ असोज । प्रमुख सत्तासाझेदार नेकपा माओवादी केन्द्रले सरकारबाट बाहिरिने निर्णय गरेको छ ।

एमालेसँग चुनावी तालमेल र बाम गठबन्धन बनाएको माओवादी केन्द्र ४ महिनामै सरकारबाट बाहिरिने निर्णय गरेको हो ।

सरकार छाड्नुअघि गृहमन्त्री जनार्दन शर्मा प्रभाकरले दिउँसो दुई बजे मन्त्रालयमा पत्रकार सम्मेलन गर्दैछन् ।

प्रधानमन्त्री शेरबहादुर देउवाले राप्रपालाई समेटेर मन्त्रिपरिषद बिस्तार गरेपछि माओवादीले सरकार छाड्न लागेको हो । देउवाले माओवादी मन्त्रीहरुलाई विनाविभागीय बनाउने तयारी गरेका थिए ।

माओवादीले वाम गठवन्धनमा भए पनि कांग्रेस नेतृत्वको सरकारलाई दिएको समर्थन कायमै रहने बताउँदै आएको थियो ।

तर, प्रधानमन्त्री देउवाले राप्रपालाई सरकारमा सामेल गराएपछि माओवादी केन्द्र असन्तुष्ट बनेको थियो ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही राष्ट्रिय समाचारबाट

थप केही अन्तराष्ट्रिय समाचारबाट