समाचार

मेयरको मनोमानिविरुद्ध उत्रिए महिला

काठमाडौं, ३ बैशाख । मेयरले नगरपालिकाको काम मनोमानी गरेको भन्दै त्यसको विरोधमा जिल्ला स्थित बलरा नगरपालिका कार्यालयमा सूरु भएको रिले अनशनमा आईतबार स्थानीय महिलाहरु सहभागि भएका छन्।

मेयर अभय सिंहले आफ्नै भाइको अध्यक्षतामा उपभोक्ता समिति गठन गरेको तथा विकास निर्माण एवं नगरपालिकाबाट हुने कामकारबाहीमा आफूहरुसँग कुनै सल्लाह नै नगरी मनोमानी ढंगले अगाडि बढेको भन्दै गत चैत १९ गतेबाट ५ जना वडा अध्यक्ष सहित स्थानीयले विरोध स्वरुप कार्यालयमा तालाबन्दी तथा रिले अनशन सुरु गरेका थिए।

रिले अनशनको १४ औं दिन आईतबार स्थानीय १० जना महिला अनशनमा सहभागि भएका हुन्। बलरा नगरपालिका–१ निवासी सिर्जादेवी मण्डल, राधिकादेवी पासवान, शान्तिदेवी पासवान, रामकुमारी साहकानू, लक्ष्मीदेवी मण्डल, सुन्दरीदेवी मण्डल, गिर्सी देवी साहकानू, रामवतीदेवी मण्डल, अकली देवीपासवान, उक्क्षीदेवी मण्डल लगायत असनमा सहभागि भएको स्थानीय सामाजिक व्यक्तित्व कौशल किशोर सिंहले जानकारी दिए।

मेयर सिंहले नगरबासीको हकहित भन्दा पनि आफ्नो व्यक्तिगत एवं परिवार तथा नातावादमा बढी जोड दिएकाले आफूहरु अनसनमा सहभागि भएको राधिकादेवी पासवानले बताईन्। वडा नं. १ अन्तर्गत भारतीय सीमा स्थित छन्की टोलादेखि उत्तर छतौनाको हुलाकी राजमार्गसम्म जोडिने सडकमा माटो भर्ने योजना सम्पन्न गर्नका लागि मेयर सिंहका कान्छा भाइ पंकजकुमार सिंहको अध्यक्षतामा रातारात उपभोक्ता समिति गठन गरी नगरपालिकाले सम्झौता गरेको सोही वडाका वडा अध्यक्ष सन्तोषकुमार सिंहले बताए।

‘८० लाख रुपैंयाको उक्त योजना सम्पन्न गर्ने उपभोक्ता समिति गठन कहिले र कसरी भयो मलाई थाहै छैन’, वडा अध्यक्ष सिंहले भने, ‘मेयर साहेबको अध्यक्षता रहेको भेलाले उनकै भाइ अध्यक्ष रहेको उपभोक्ता समिति गठन गरेको कुरा काम सूरु भएपछि मात्र थाहा भयो।’ कर्मैया–हथियौल सडकखण्ड अन्तर्गत पर्ने उक्त सडक कालोपत्रेका लागि केन्द्रीय योजना अन्तर्गत परिसकेको भए पनि अनियमितता गर्ने मनसायका साथ नगरपालिकाले ८० लाख रुपैंयाँमा काम सूरु गरेको उनले दाबी गरे।,यो खबर आजको नागरिक दैनिकमा छ ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही राष्ट्रिय समाचारबाट

थप केही अन्तराष्ट्रिय समाचारबाट