समाचार

राजनीतिक परामर्शमा जुटे प्रधानमन्त्री, बाेलाए सातै प्रदेशका मुख्यमन्त्री 

काठमाडाैं, ७ चैत । प्रधानमन्त्री केपी शर्मा ओलीले ७ वटै प्रदेशका मुख्य मन्त्रीलाई राजनीति परामर्शका लागि बोलाएका छन् । संवैधानिक व्यवस्थाअनुसार ७ वटै प्रदेशका मुख्यमन्त्रीसँग छलफल गर्न लागिएको प्रधानमन्त्री कार्यालयले जनाएको छ ।

प्रधानमन्त्री ओलीले आज बिहान ११ बजेदेखि हुने छलफलमा एक प्रदेशबाट मुख्यमन्त्रीसहित ३ जनालाई बोलाएका छन् । ७ वटै प्रदेशका गरी २१ जनालाई बोलाइएको प्रधानमन्त्रीका राजनीतिक सल्लाहकार विष्णु रिमालले जानकारी दिए ।

मुख्यमन्त्रीसँगै प्रदेश सचिव र मुख्य न्यायाधीवक्तालाई पनि आमन्त्रण गरिएको छ । एउटै किसिमको कार्यशैली र शासकीय व्यवस्था कायम गर्न मुख्यमन्त्रीहरुसँग परामर्श गर्न लागएको राजनीतिक सल्लाहकार रिमालले बताए ।

“प्रधानमन्त्रीले प्रदेशका मुख्यमन्त्रीहरुसँग परामर्श गर्ने संवैधानिक व्यवस्था छ, सोही व्यवस्थाअनुसार प्रधानमन्त्रीले छलफल गर्न लाग्नुभएको हो, तर यो पहिलो भेट हो,” रिमालले भने ।

संविधानको धारा २३२ (२) मा ‘नेपाल सरकारले राष्ट्रिय महत्वका विषयमा र प्रदेशहरुबीच समन्वय गर्नुपर्ने विषयमा प्रदेश मन्त्रीपरिषदलाई संविधान र संघीय कानून बमोजिम आवश्यक निर्देशन दिन सक्नेछ र त्यस्तो निर्देशनको पालना गर्नु सम्बन्धित प्रदेश मन्त्रिपरिषदको कर्तव्य हुनेछ,’ भन्ने व्यवस्था रहेको छ ।

SHAREShare on Facebook0Tweet about this on Twitter0

2 comments

  1. music skull mp3 download says:

    Keep up the great piece of work, I read few articles on this website and I believe that your website is very interesting and contains bands of fantastic information.

    http://www.mp3fiesta.net

Leave a Reply

Your email address will not be published. Required fields are marked *

थप केही राष्ट्रिय समाचारबाट

थप केही अन्तराष्ट्रिय समाचारबाट