समाचार

राष्ट्रपति भण्डारी बैंकक प्रस्थान

काठमाडौं, २९ बैशाख । राष्ट्रपति विद्यादेवी भण्डारी आजबाट श्रीलंकाको चार दिने भ्रमणका लागि थाइल्यान्डको बैंकक प्रस्थान गर्नुभएको छ । श्रीलंकाका राष्ट्रपति मैत्रीपाला सिरिसेनाको निमन्त्रणामा भण्डारी श्रीलंका प्रस्थान गर्नुभएको हो ।

त्रिभुवन अन्तरार्ष्ट्रिय विमानस्थलको अति विशिष्ट कक्षमा उपराष्ट्रपति नन्दबहादुर पुन, प्रधानमन्त्री पुष्पकमल दाहाल, उपप्रधान अर्थमन्त्री कृष्णबहादुर महरा, सभामुख ओनसारी घर्ती लगायतले उहाँलाई विदाई गर्नुभएको हो । २० सदस्यीय नेपाली प्रतिनिधिमण्डलको नेतृत्व गर्दै राष्ट्रपति भण्डारी बिहान सबा १० बजे नेपाल वायुसेवाको विमानमा बैंकक प्रस्थान गर्नुभएको हो ।

श्रीलंका पुग्नुअघि आज एक दिन उनले थाइल्यान्डको राजधानी बैंककमा बिताउनुहुनेछ । बैंककमा रहँदा उहाँले केही महिनाअघि मृत्यु भएका थाइल्यान्डका राजा भूमिबोल अदुल्यादिजको समाधिस्थल पुगी समवेदना व्यक्त गर्ने कार्यक्रम छ।

राष्ट्रपतिको श्रीलंका भ्रमण टोलीमा सामान्य प्रशासनमन्त्री बुढाथोकी, चिकित्सक, सल्लाहकार, राष्ट्रपति कार्यालय तथा परराष्ट्र मन्त्रालयका अधिकारी र सञ्चारकर्मी छन्। श्रीलंकामा आइतबार राष्ट्रपति भण्डारीले संयुक्त राष्ट्रसंघको एक सम्मेलनको समापन समारोहलाई प्रमुख अतिथिका रूपमा सम्बोधन गर्ने कार्यक्रम छ।

भ्रमणका क्रममा श्रीलंकाली राष्ट्रपतिसँग उनले द्विपक्षीय भेटवार्ता गर्ने कार्यक्रम समेत तय गरिएको छ । राष्ट्रपति भण्डारी जेठ २ गते स्वदेश फर्किनुहुनेछ ।

SHAREShare on Facebook0Tweet about this on Twitter0

1 comment

  1. 267307 957127This will be a terrific blog, would you be interested in doing an interview about just how you developed it? If so e-mail me! 597820

Leave a Reply

Your email address will not be published. Required fields are marked *

थप केही राष्ट्रिय समाचारबाट

थप केही अन्तराष्ट्रिय समाचारबाट