समाचार

३ महिनापछि माओवादीले आफ्नो पार्टीबाट सरकारमा सहभागी मन्त्रीलाई फिर्ता बोलायो

काठमाडौ,२८ पुस । नेकपा माओवादी केन्द्रले सरकारमा सहभागी आफ्ना मन्त्रीहरुलाई फिर्ता बोलाएको छ ।

विना विभागीय मन्त्री भएको ३ महिनापछि माओवादीले आफ्नो पार्टीबाट सरकारमा सहभागी मन्त्रीलाई फिर्ता बोलाएको हो । नेपाली कांग्रेसको नेतृत्वमा सत्ता साझेदार बनेर सरकारमा गएको मााओवादीले २०७४ असोज १७ गते एमालेसंग मिलेर वामगठबन्धन बनाई प्रदेशसभा र प्रतिनिधिसभा निर्वाचन लड्ने घोषणा गरेपछि प्रधानमन्त्री शेरबहादुर देउवाले जिम्मेवारी खोसेर विनाविभागीय बनाउनुभएको थियो ।
बामगठबन्धनको घोषणा संगै आफ्ना मन्त्रीहरुलाई फिर्ता बोलाउने निर्णय गरेको माओवादीले पछि निर्वाचन नभएसम्म सरकारमै रहने निर्णय गरेपछि प्रधानमन्त्री देउवाले असोज ३१ गते ९ मन्त्री र ७ राज्यमन्त्रीको जिम्मेवारी खोसेर विनाविभागीय बनाउनुभएको थियो । पार्टीको निर्णय अनुसार, सरकारबाट फिर्ता हुने अध्यक्ष पुष्पकमल दाहालको पत्र विनाविभागीय मन्त्री गिरिराजमणि पोख्रेलले शुक्रबार प्रधानमन्त्री देउवालाई भेटी बुझाउनु भएको हो । सरकारबाट फिर्ता हुने बारे अध्यक्ष दाहालको पत्रमा ताजा जनादेश अनुसार सरकारबाट काम नभएकोमा असन्तुष्टी पनि जनाईएको छ ।

पोख्रेलले आफुले विनाविभागीय भएको अवधिको तलब सुविधा नलिने बताउनुभयो । उहाँले सबैलाई सो अवधिको तलब सुविधान नलिने भन्ने बारेमा पनि छलफल भईरहेको जानकारी दिनुभयो । राप्रपा अध्यक्ष कमल थापासहित आठजना मन्त्रीलाई नयाँ जिम्मेवारी दिएर प्रधानमन्त्री देउवाले माओवादी मन्त्रीहरुलाई विनाविभागीय बनाउनुभएको थियो ।

माओवादी केन्द्रले उपप्रधानमन्त्री कृष्णबहादुर महराको नेतृत्वमा जनार्दन शर्मा, टेकबहादुर बस्नेत, गिरिराजमणि पोखरेल, महेन्द्रबहादुर शाही, शिवकुमार मण्डल, आशा कोइराला, सन्तकुमार थारू र प्रभु साहलाई मन्त्री र राज्यमन्त्रीमा मोहमद जाकिर हुसैन, राजसिंह यादव, श्यामकुमार श्रेष्ठ, कर्णबहादुर विक, छमबहादुर गुरुङ, गोमा कुँवर र ओङ्दी शेर्पालाई सरकारमा पठाएको थियो ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही राष्ट्रिय समाचारबाट

थप केही अन्तराष्ट्रिय समाचारबाट