समाचार

९९ सय मुलुकका ५७ हजार कम्प्युटर ह्याक, सचेत बन्नुहोस् तपाईको पनि पर्ला  ?

एजेन्सी, ३० बैशाख । साइबर ह्याकरहरुले विश्वभरका कम्प्युटर प्रणलीलाई प्रभावित गरेका छन् । अमेरिकी सुरक्षा निकायबाट चोरिएको भनिएको वान्नक्राई नामक ह्याकिङ सप्mटवेयरबाट विश्वका ९९ मुलुकका करिब ५७ हजार कम्प्युटर प्रणालीलाई प्रभावित गरेको हो ।

ह्याकरले इमेलबाट व्यावसायिक रसिद, रोजगारीको अवसरलगायतका सुचना पठाएर कम्प्युटर ह्याक गरेको जनाइएको छ । ह्याकहरुले कम्प्युटर प्रणाली ह्याक गरी कम्युटरलाई पुनः संचालन गर्नका लागि भन्दै ५ सय देखी ६ सय डलरसम्म फिरौती मागेका छन् ।

ह्याकिङ्बाट पीडित केही कम्पनीले बिटकोइन नामक डिजिटल मुद्रामार्पmत् फिरौती समेत तिरेको अनुमान गरिएको छ । रुस, युक्रेन र ताईवानी कम्प्युटर प्रणाली ह्याकिङबाट सबैभन्दा बढी प्रभावित भएका छन् । बेलायतका अस्पताल र राष्ट्रिय स्वास्थ्य सेवा एनएचएसमा भएका आक्रमणका कारण बेलायती स्वास्थ्य सेवामा असर परेको जनाइएको छ । साइबर आक्रमणको जिम्मा हालसम्म कसैले लिएको छैन ।

वान्नक्राई एक ह्याकिङ सफ्टवेयर हो । यस सफ्टवेयर अमेरिकी सुरक्षा निकायले विकास गरेको जनाइएको छ । संक्रमणयुक्त फाइलमा क्लिक गर्दा वा फाइल डाउनलोड गर्दा यस सफ्टवेयरले कम्प्युटरमा प्रवेश गर्दछ । वान्नक्राईले विण्डोज अपरेटिङ सिस्टम भएका कम्प्युटरमा प्रवेश गरी कम्प्युटरमा सबै फाइललाई कोडमा परिवर्तन गरिदिन्छ ।

यसबाट कम्युटरका फाइल खुल्दैन । भाइरसबाट संक्रमित कम्प्युटरमा डिजिटल मुद्रा प्रणाली बिटकोइन मार्पmत् ३ सय डलर पठाए कम्प्युटरको संक्रमण हट्ने सन्देश आउँछ । तर, साइबर सुरक्षा विशेषज्ञका अनुसार फिरौती रकम बुझाए कम्पयुटर प्रणाली फेरी सुरु हुन्छ भन्ने ग्यारेन्टी भने हुदैन ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही राष्ट्रिय समाचारबाट

थप केही अन्तराष्ट्रिय समाचारबाट