खेलकुद

पाथीभरा गोल्डकप– आयोजक ताप्लेजुङ टिमको दोस्रो जीत

ताप्लेजुङ, २४ साउन । ताप्लेजुङ्गमा जारी पाथीभारा दोस्रो गोल्डकपको फूटबल प्रतियोगितामा आयोजक ताप्लेजुङ टिमले पथरी स्र्पोटिङ्ग फूटबल क्लव पथरीलाई २–० हराएको छ ।

ताप्लेजुङ्ग जिल्ला सदरमुकामस्थित भानुजन माध्यमिक विद्यालयको खेलमैदानमा मंगलबार भएको खेलमा पहिलो हाफमा दुवैतर्फ गोल हुन सकेन ।

दोस्रो हाफको ५२ औं मिनेटमा नव प्रयास युव क्लव ताप्लेजुङ्गका नं ६ का रमेश लिम्बुले पेनलटी मार्फत गोल गर्दै  टिमलाई अग्रता दिलाए भने ८१ औं मिनटमा सोही टिमका जर्सी नं ११ का खेलाडी लाखु गुरुङ्गले गोल गर्दै जीतलाई सुनिश्चित गराए । नव प्रयास युव क्लव ताप्लेजुङ्गले साउन २२ गते सम्पन्न उद्रघाटन खेलमा रेडहर्स क्लव इलामलाई पराजित गरेको थियो ।

 
बुधबार गोर्खा स्पोटिङ्ग क्लव दमक र सशस्त्र प्रहरी फूटबल टिम दमकवीच हुदैछ । सशस्त्र प्रहरी फूटबल टिम दमकले साउन २३ कर्णसिंह सोनाम फूटबल टिमलाई हराएको थियो भने गोर्खा स्पोटिङ्ग क्लव दमक डिफेन्डिङ्ग च्याम्पियन हो । खेलमा दर्शकबाट प्रतिदिन करिब एक लाख रकम उठ्ने गरेको बताइन्छ ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही खेलकुदबाट

ताजा