खेलकुद

 म्यानयुकाे अपराजित यात्रामा आर्सनल बाधक

काठमाडौं, २५ बैशाख । आर्सनलले इंग्लिस प्रिमियर लिगको शीर्ष चारमा रहँदै आउँदो सिजन च्याम्पियन्स लिग फुटबलका लागि छनौट हुने सम्भावना कायम राखेको छ । लिग अन्तर्गत आइतबार राति भएको खेलमा आर्सनलले म्यानचेस्टर युनाइटेडलाई २–० ले हरायो ।

आर्सनलले म्यानचेस्टर युनाइटेडको २५ खेलको अपराजित यात्रा टुंग्यायो । पहिलो हाफमा गोलरहित बराबरी भएको खेलमा आर्सनलले दोस्रो हाफमा दुई गोल गर्दै जित निकाल्यो । आर्सनलको जितमा ग्रनिट जाका र ड्यानी वेलबेकले गोल गरे ।
घरेलु मैदानमा भएको खेलमा जाकाले ५४ औं मिनेटमा गोल गर्दै आर्सनललाई अग्रता दिलाए । त्यसको तीन मिनेटपछि वेलबेकले गोल गर्दै आर्सनलको २–० को जित निश्चित गरे । हारपछि युनाइटेडको शीर्ष चारमा पुग्ने सम्भावना कम भएको छ ।

छैटौं स्थानको आर्सनलको लिगका चार खेल बाँकी हुँदा ६३ अंक छ । आर्सनल चौथो स्थानको म्यानचेस्टर सिटी भन्दा ६ र पाँचौं स्थानको म्यानचेस्टर युनाइटेड भन्दा दुई अंकले पछि छ । सिटी र युनाइटेडले लिगमा तीन खेल खेल्न बाँकी छ । राति नै भएको खेलमा साउथह्याम्पटनसँग गोलरहित बराबरीमा रोकिएको लिभरपुल तेस्रो स्थानमा फर्किएको छ । उसको लिगका दुई खेल बाँकी हुँदा ७० अंक भएको ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही खेलकुदबाट

ताजा