खेलकुद

स्टोक्सको शतकमा पूणेले गुजरातलाई हरायो

काठमाडौं, १९ बैशाख । दशौं आइपीएलका महंगा खेलाडी बेन स्टोक्सको शतकीय इनिङका कारण गुजरात लायन्सलाई ५ विकेटले पराजित गर्दै राइजिङ पूणे सुपरजायन्ट्सले चौथो स्थानमा आफ्नो उपस्थितिलाई बलियो बनाएको छ।

सोमबार राति भएको खेलमा राइजिङ पुणे सुपर जाइन्टस् विजयी भएको हो । पुणेमा भएको खेलमा पुणेले गुजरात लायन्सलार्य पाँच विकेटले पराजित ग¥यो । गुराजतले प्रस्तुत गरेको १ सय ६२ रनको लक्ष्य पुणेले एक बल बाँकी हुँदा पाँच विकेटको क्षतिमा भेट्टायो ।

पुणेका लागि बेन स्टोक्सले शतकीय पारी खेले । स्टोक्सले ६३ बलमा ७ चौका र ६ छक्काको मद्दतमा नटआउट एक सय तीन रन बनाए । यस्तै महेन्द्र सिंह धोनीले २५ रनको योगदान दिए । गुजरातका प्रदिप सङवान र बासिल थाम्पीले दुई दुई विकेट लिए । यसअघि पहिले ब्याटिङ गरेको गुजरातले एक बल बाँकी हुँदा सबै विकेट गुमाएर एक सय ६१ रन बनायो ।

उसका लागि ब्रेण्डम क्याकुलमले ४५, इशान किशनले ३१, दीनेश कार्तिकले २९ तथा रविन्द्र जडेडाले १९ रनको योगदान दिएपनि हार टार्न सकेनन् । १० खेलमा छैटौं जित दर्ता गरेको पुणे १२ अंकसहित चौथो स्थानमा छ । यस्तै १० खेलमा तीन खेल मात्रै जितेको गुजरात ६ अंकसहित छैटौं स्थानमा छ ।

SHAREShare on Facebook0Tweet about this on Twitter0

Leave a Reply

Your email address will not be published. Required fields are marked *

थप केही खेलकुदबाट

ताजा