अमेरिकासँग सम्बन्ध बिग्रदै गएपछि उत्तर कोरियाले फेरि गर्‍यो क्षेप्यास्त्र परीक्षण

title
बिहिबार, बैशाख २६, २०७६

एजेन्सी– उत्तर कोरियाले बिहीबार छोटो दूरीको क्षेप्यास्त्र परीक्षण गरेको छ ।

उत्तर कोरियाले स्थानीय समयअनुसार बेलुकी साढे चार बजे उत्तरपश्चिममा रहेको सिनो री क्षेत्रबाट हतियार परीक्षण गरेको दक्षिण कोरियाली सेनाले जनाएको हो ।

सर्वोच्च नेता किम जोङ उनको व्यक्तिगत निरीक्षणमा छोटो दुरीका मल्टिपल रकेट लन्चरको परीक्षण गरेको एक लगत्तै उत्तर कोरियाले अर्को हतियार परीक्षण गरेको हो ।

दक्षिण कोरियाली सेनाले उत्तर कोरियाले परीक्षण गरेको भनिएको पछिल्लो हतियारको किसिमबारे केही खुलाएको छैन ।

गत फेब्रुअरी महिनामा भियतनामको राजधानी हनोईमा उत्तर कोरियाली सर्वोच्च नेता किम जोङ उन तथा अमेरिकी राष्ट्रपति डोनाल्ड ट्रम्पबीच भएको दोश्रो शिखर वार्ता असफल भएयता उत्तर कोरिया र अमेरिकाबीचको सम्बन्ध बिग्रिदै गएका बेला उत्तर कोरियाले गरेको पछिल्लो हतियार परीक्षणलाई निकै महत्वका साथ हेरिएको छ ।