अहिलेसम्मकै कमजोर बन्यो नेपाली रूपैयाँ 

title
बिहिबार, भदौ २१, २०७५

काठमाडौं, भदौ २१ । अमेरिकी डलरको भाउ ११५ रुपैयाँ ११ पैसा पुगेको छ । नेपाल राष्ट्र बैंकले बिहीबारका लागि ११५ रुपैयाँ ११ पैसा रिफरेन्स रेट तोकेको हो ।

नेपाली बैंकहरुले दिनभरी गरेको कारोबारका आधारमा राष्ट्र बैंकले रिफरेन्स रेट निर्धारण गर्ने गर्छ। अन्तर्राष्ट्रिय बजारमा डलरको माग बढेपछि नेपाली रुपैयाँ अहिलेसम्मकै कमजोर देखिएको हो । डलरको भाउ १२० रुपैयाँसम्म पुग्ने अनुमान गरिएको छ ।

भारतले पेट्रोलियम पदार्थको स्टक बढाउन डलर खर्च गरिरहेकाले त्यसको असर नेपाली बजारमा देखिएको हो। भारुसँग स्थिर विनिमय दर भएका कारण त्यहाँको प्रभाव नेपाली रुपैयाँमा परेको हो । १०० भारु बराबर नेपाली १६० रुपैयाँको स्थिर विनिमय दर छ। भारतको अर्थतन्त्रमा अलिकति तलमाथि हुँदा त्यसको प्रत्यक्ष असर नेपाली बजारमा पर्छ।

डलर उक्लिँदा आयातित सबै बस्तु तथा सेवा महँगिन्छ।डलर बढ्दा विदेशमा काम गर्न गएका नेपालीले रेमिटेन्स पठाउँदा उनीहरुलाई बढि फाइदा हुन्छ। दसैंको मुखमा मूल्य बढेकाले बजार भाउ महँगिने छ ।