डा केसीसँग गरिएको सम्झौता तत्काल कार्यान्वयन गर्न माग गर्दै प्रदर्शन

title
शनिबार, पुस २८, २०७५

काठमाडौ । डाक्टर गोविन्द केसीसँग गरिएको सम्झौता कार्यान्वयनको माग गर्दै शनिबार माइतीघरमा प्रदर्शन गरिएको छ ।

सोलिडारिटी फर डा केसी एलाइन्सले डा केसीसँग गरिएको सम्झौता तत्काल कार्यान्वयन गर्न माग गर्दै प्रदर्शन गरेको हो । सो संस्थामा आबद्धहरुल ‘डाक्टर केसीसँग गरिएका सम्झौता लागू गर’ ‘मेडिकल शिक्षामा भएका लुटतन्त्र बन्द गर’ लगायतका नारा लगाउँदै प्रदर्शन गरेका हुन् ।

प्रदर्शनीमा विवेकशील साझा पार्टीका नेता कार्यकर्ताको सहभागिता रहेको थियो । सरकारले विगतमा डा केसीसँग गरिएको सम्झौताअनुसार नै चिकित्सा शिक्षा विधेयक ल्याउनुपर्ने उनीहरुको माग गरेको छ ।

सरकारले आफूसँग गरिएको सहमति अनुरुप विधेयक नभएको भन्दै गत पुस २५ गतेदेखि इलाममा गई केसी अनशनमा बस्नु भएको छ ।