दीपक र दीपा ¥यापमा उत्रिएपछि 

title
बिहिबार, अशोज १८, २०७५

काठमाडौं । यो बर्षको बहुप्रतिक्षीत चलचित्र ‘छक्का पञ्जा ३’ यहि असोज २४ गते बाट प्रदर्शनमा आउदै छ । निर्माण युनिट यति बेला चलचित्रको प्रचार प्रसारमा आक्रामक बनेको छ । चलचित्रको केहि दिन अघि सार्वजनिक सुपर हिट गीत ‘पहिलो नम्बरमा’को संगीतमा दसैँ गीत निर्माण पक्षले अहिले सार्वजनिक गरेको छ ।

घटस्थापनामा रिलिज हुने यो चलचित्रको प्रचार गीतको रुपमा तयार भएको यो गीत१ मिनेटको रहेको छ । निर्माण पक्षले ‘फनफनी घुमेको रोटे पिङ्ग, छक्का पञ्जा ३ घटस्थापना कै दिन’ बोल राखेर प्रमोसनल गीत तयार पारेको हो । जसमा डेविड शंकरको स्वर रहेको छ भने दीपाश्री निरौला, केदार घिमिरे, दीपकराज गिरी र जितु नेपालले ¥याप दिएका छन् । भिडियोमा दसैँको माहौलसँगै दीपाश्री, दीपक, जितु र केदार ¥यापमा उत्रिएका छन् ।

दीपाश्री निरौलाको निर्देशक रहेको ‘छक्का पञ्जा ३’मा दीपकराज गिरी, जितु नेपाल, केदार घिमिरे, बुद्धि तमाङ, दीपिका प्रसाईं, नीर शाह, किरण केसी, शिवहरि पौडेल, जयनन्द लामा, अनुरागमान सिंह कुँवर, शिशिर राणा, शिशिर वाग्देल, लक्ष्मी गिरी, शारदा गिरी, वसन्त भट्ट, संजोग कोइरालालगायतको अभिनय रहेको छ । नायिका प्रियंका कार्की विशेष अतिथिको भूमिकामा देखिने छिन् ।

दीपकराज गिरीको कथा रहेको फिल्ममा दीपक, जितु, केदार र यामन श्रेष्ठको संवाद, अर्जुन पोखरेल र दीपक शर्माको संगीत रहेको छ । पुरुषोत्तम प्रधानले फिल्मको छायांकन गरेका हुन् । आमा सरस्वती मुभिज प्रा.लि तथा आइ एम ईको प्रस्तुतिमा निर्माण भएको चलचित्रमा जीतु नेपाल र केदार घिमिरे कार्यकारी निर्माता रहेको छन् भने सुमन गिरी ‘भान्जा’, किरण केसी, शिवहरी पौडेल, पुरुषोत्तम प्रधान, ताराचन्द्र बजगाई, दीपेन्द्र खनिया र केशव न्यौपाने निर्माताको रुपमा रहेका छन् ।