प्राधिकरण अध्यक्षको दौडमा १५ जना 

title
आइतवार, भदौ १०, २०७५

काठमाडौं–दूरसञ्चार क्षेत्रको नियामक निकाय नेपाल दूरसञ्चार प्राधिरकणको रिक्त अध्यक्ष पदमा १५ जनाले दरखास्त दिएका छन् ।
आवेदन दिनेमा पूर्व सञ्चार सचिव सुशील घिमिरेदेखि प्राधिरकणकै वरिष्ठ निर्देशकद्वय आनन्दराज खनाल र पुरुषोत्तम खनालसम्म छन् ।
मन्त्रालयले एक साताको समय राखी शुक्रबारसम्म आवेदनका लागि समय दिएकोमा नेपाल टेलिकमका पूर्व कर्मचारीदेखि सूचना प्रविधि विज्ञसम्म प्रतिस्पर्धामा उत्रेका छन् ।
सूचना प्रविधि मन्त्रालयका प्रवक्ता रामचन्द्र ढकालका अनुसार छनोट समितिले शुक्रबारदेखि नै काम सुरु गरेको छ भने एक सातामा मूल्यांकन गरी ३ जनाको नाम मन्त्रिपरिषद्मा पठाइनेछ । कारोबार दैनिकमा खबर छापिएको छ ।