फोर-जी को विस्तार एक वर्षभित्रै

title
बुधबार, माघ १६, २०७५

काठमाडौं । नेपाल टेलिकमको चौथो पुस्ताको मोबाइल नेटवर्क (फोर-जी) विस्तार हुने भएको छ । संघीय संसदको अर्थ समितिले एक वर्षभित्रै फाेर जी विस्तार योजना सम्पन्न गर्न निर्देशन दिएसँगै दुई कम्पनीसँग ठेक्का सम्झौता गर्ने बाटो खुलेको हो ।

टेलिकमले फोर जी सेवा विस्तार गर्न दुई चिनियाँ कम्पनी सिसिएसआइ र जेडटिईसँग ठेक्का सम्झौता गर्ने अन्तिम तयारी गरेको छ । मंगलबार सम्पन्न बैठकले सञ्चार तथा सुचना प्रविधि मन्त्रालय र नेपाल टेलिकमलाई जिम्मेवार र जवाफदेही हुँदै सेवा विस्तार गर्न निर्देशन दिएको हो ।

टेलिकमका अनुसार यी दुई कम्पनीसँग ठेक्का सम्झौता गर्ने तयारी भइरहेका बेला अर्थ समितिले देखाएको चासाेका कारण सम्झौता रोकिएको थियो । समितिले अघि बढ्न दिएको निर्देशनसँगै यी कम्पनीसँग ठेक्का सम्झौता अघि बढ्ने भएको छ । खबर नागरिक दैनिकमा छ ।