भारतमा दुई भवन भत्किदा संख्या ३ को मृत्यु, ५० वेपत्ता, मृतकको संख्या बढ्न सक्ने

title
बुधबार, साउन २, २०७५

एजेन्सी । भारतको राजधानी नयाँ दिल्ली नजिक दुई भवन भत्किंदा ज्यान गुमाउनेको सङ्ख्या तीन पुगेको छ ।

दिल्लीको ग्रेटर नोयडा क्षेत्रमा गएराति भएको घटनामा अन्य ५० जना हराइरहेको आशंका गरिएको छ ।

निर्माणधीन ६ तल्ले भवन केही वर्षअघि निर्माण गरिएको ४ तल्ले भवनमा खसेको जनाइएको छ ।

जग निकै कमजोर रहेका कारण भवन भत्केको अधिकारीले जनाएका छन् । हराइरहेकाहरुको सङ्ख्या धेरै रहेका कारण ज्यान गुमाउनेको सङ्ख्या बढ्नसक्ने अनुमान गरिएको छ ।

हराइरहेकाहरुको खोजी तथा उद्धारका लागि सयभन्दा बढी स्थानीयवासी तथा उद्धारकर्मी परिचालन गरिएको भारतीय अधिकारीले जनाएका छन् । यसै सिलसिलामा प्रहरीले तीन जनालाई पक्राउ गरेको छ ।

भारतमा भवन निर्माण गर्दा सावधानी नअपनाइने तथा कमजोर भवन सुरक्षाका कारण हरेक वर्ष यस्ता दुर्घटना हुने गरेका छन् ।