विप्लव नेकपाका दुई कार्यकर्ता पक्राउ

title
आइतवार, माघ ६, २०७५

आकाश तारा बयक

सुर्खेत । नेत्रविक्रम चन्द ‘विप्लव’ नेतृत्व नेपाल कम्युनिष्ट पार्टीका दुई जना कार्याकर्ता सुर्खेत प्रहरीले पक्राउ गरेको छ ।

सुर्खेतको भेरीगंगा नगरपालिकाका ३३ वर्षिय पूर्णबहादुर बुढाथोकी र वीरेन्द्रनगर नगरपालिका १२ का ४८ वर्षिय कमल विसीलाई पक्राउ गरिएको जिल्ला प्रहरी कार्यालयका प्रवक्ता प्रहरी नायव निरीक्षक प्रदिपबहादुर क्षेत्रीले जानकारी दिनुभयो ।

पक्राउ परेका उनीहरुलाई आवश्यक सोधपुछ भइरहेको जनाइएको छ । यसअघि हिजो नै विप्लव समूहले आफ्ना कार्यकर्तालाई प्रहरीले पक्राउ गरेको विरोधमा सुर्खेत बन्द गर्दै विरोध प्रदर्शन गरेको थियो । बन्दका क्रममा सवारी साधन चलाएको भन्दै बन्दकर्ताले आगजनी समेत गरेका थिए ।

उनीहरुले ना ६ ख १७३२ नम्बरको ट्रकलाई पश्चिम सुर्खेतको बड्डीचौरमा र नेपालगञ्जबाट सुर्खेत आउँदै गरेको ना ६ ख ७३१३ नम्बरको ट्रकलाई सदरमुकाम वीरेन्द्रनगर नजिकै सत्तरीमा आगजनी गरेको थिए ।

बन्दका कारण सुर्खेतबाट चल्ने लामो तथा छोटो दुरीका सवारी साधन चल्न नसक्दा यात्रुले सास्ती व्यहोर्नु परेको थियो ।