श्रीमान छवि ओझाविरुद्ध उजुरी लिएर शिल्पा प्रहरीसम्म पुगिन

title
बुधबार, असार २५, २०७६

काठमाडौं- फिल्म निर्माता छविराज ओझा तथा उनकी श्रीमती तथा अभिनेत्री शिल्पा पोखरेलको विवाद प्रहरीसम्म पुगेको छ । शिल्पाले आफ्ना पति छविराज ओझाले आफुमाथि हातपात गरेको भन्दै शान्ति सुरक्षाको माग गरेकी हुन्।

सिल्पाले जिल्ला प्रशासन कार्यालय काठमाडौंमा आफु श्रीमानबाट निरन्तर हिंसामा परेको उजुरी दिएकी हुन्। अभिनेत्री रेखा थापासँग वैवाहिक सम्बन्ध विच्छेद पछि फिल्म निर्माता ओझा तेस्रो श्रीमतीको रुपमा शिल्पालाई भित्र्याएका थिए।

आफुभन्दा दोव्वर उमेरका ओझासंग शिल्पाले सम्बन्ध विच्छेदको माग राखेपछि दुवैजना बीचको सम्बन्ध विग्रेको थियो। शिल्पालाई ओझाले आफुले निर्माण गरेको ‘लज्जा’ चलचित्रबाट डेब्यु गराएका थिए।

महानगरीय प्रहरी परिसर काठमाडौंका प्रवक्ता डिएसपी हबिन्द्र बोगटीका अनुसार शिल्पा पोखरेलले जिल्ला प्रशासन कार्यालय काठमाडौंमा सुरक्षाको माग राखि निवेदन दिएको र परिसरले उनको श्रीमान्लाई सोधपुछ शुरु गर्न लागेको जानकारी दिए।