सगरमाथा आरोहणका क्रममा यो सिजनमा दश जनाको मृत्यु

title
आइतवार, जेष्ठ १२, २०७६

काठमाडौं– विश्वको सर्वोच्च शिखर सगरमाथा आरोहरण गर्ने क्रममा यस सिजनमा दश जना पर्वतारोहीको मृत्यु भएको छ ।

पछिल्लो पटक सगरमाथाको चुचुरोमा पुगेर फर्केने क्रममा शनिवार एक बेलायती नागरिक र त्यसको एक दिन अगाडि शुक्रबार आयरल्याण्डका नागरिकको मृत्यु भएको थियो ।

पछिल्लो हप्तामा मात्रै भारतका चार, नेपाल, अस्ट्रेलिया र अमेरिकाका एक–एक पर्वतारोहीको मृत्यु भएको छ ।

यो सिजनमा सगरमाथा आरोहण गर्ने आरोहीको भीड बढ्दा ट्राफिक जामको अवस्था सिर्जना हुन पुगेको छ ।

हिमाल आरोहीको मृत्यु हुने क्रम बढेसँगै पर्वतारोही निर्मल पुर्जाले खिचेको एक तस्वीरलाई लिएर यति बेला विश्वको ध्यान तानेको छ ।