उपप्रधान एवं गृहमन्त्री रवि लामिछानेले नागरिकको सुरक्षामा कुनै सम्झौता नहुने बताएका छन् । गृहमन्त्री लामिछानेले प्रहरी संगठनहरू बलियो बनाउनका लागि जनताको सेवा गर्नुपर्ने बताए ।
नयाँ वर्षको अवसरमा काठमाडौंको थापाथलीस्थित सडकमा नेपाल प्रहरी, ट्राफिक प्रहरी र सर्वसाधारणसँग खुशीयाली साटासाट गर्न पुगेका गृहमन्त्री लामिछानेले जनताका गुनासा यथोचित ढंगबाट समाधान हुने प्रतिबद्धता पनि बताए । प्रहरी संगठनमा रहेकाहरू जनताको सेवामा खटिनुपर्ने उनको भनाइ थियो ।
गृहमन्त्री लामिछानेले काठमाडौं उपत्यकाको सुरक्षा व्यवस्था चुस्त बनाइएको पनि बताए । उनले काठमाडौंमा २४ सै घण्टा सुरक्षा व्यवस्था चुस्त बनाउनुपर्ने बताए । त्यसको सुनिश्चितता व्यवसायीमा हुनुपर्ने उनको भनाइ थियो ।
