शरण मागेर फिल्मी शैलीमा ६ लाख २८ हजार लुटपाट

चितवन । चितवनमा शरणार्थीको नाटक गरेर लुटपाट गरेको आरोपमा प्रहरीले चार जनालाई पक्राउ गरेको छ । चितवन भरतपुर–८ गौरीगञ्जस्थित तारानाथा सुवेदीको घरमा शरण लिन पुगेका चार जनाले केही बेरमै उनको घरबाट ६ लाख बढीको धनमाल लुटेको पीडित परिवारको आरोप छ ।

लुटपाट गरेको अभियोगमा चितवन प्रहरीले भरतपुर ९ का ५० वर्षीय रामचन्द्र थापा सहित चार जनालाई पक्राउ गरेको हो । एक साता अघि सुवेदीको घरमा चार जना व्यक्ति आएर हामीलाई प्रहरीले लखेटेको छ केही समय शरण दिनुप¥यो भन्दै पुगेपछि उनीहरुलाई सुवेदीले घरभित्र त लगे तर घरमा पुगेलगत्तै शुरु भयो फिल्मी शैलीमा लुटपाट ।

लुटपाटको योजनासहित घरमा पुगेका उनीहरुले शुरुमा सुवेदीलाई धम्क्याउँदै भने– ‘तिम्रो घरमा आज पाँच लाख आएको छ, त्यो सवै हामीलाई देऊ ।’ यत्ति भनेपछि सुवेदी परिवार झस्कियो । लुटेराले डर र त्रास देखाएपछि सुवेदीले चारलाख मात्र आएको र २ लाख खर्च भइसके जनाएका थिए । त्यही बाँकी भएको रकम र घरमा भएका गरगहनासहित ६ लाख २८ हजार बरबारबको धनमाल लुटेर उनीहरु घरबाट भागेका थिए ।

घटना घटेको भोलिपल्ट मात्रै प्रहरीले सो घटनाबारे जानकारी पाएको थियो । घटनाबारे जानकारी पाएसँगै अनुसन्धानमा खटिएको प्रहरीले लुटपाटको आरोपमा चार जनालाई नियन्त्रणमा लिन सफल भएको थियो । प्रहरीले शनिबार पत्रकार सम्मेलन गर्दै लुटपाटमा थापा र मकवानपुर रामसिराङका रामकुमार मोक्तान मुख्य नाइके भएको सार्वजनिक गरेको हो ।