प्रेसर कुकर बम नेपाली सेनाबाट निश्क्रिय

प्रेसर कुकर बम नेपाली सेनाबाट निश्क्रिय
सोमवार, असार २, २०७६

सोलुखुम्वुको सोलु–दुधकुण्ड नगरपालिका–११ भदौरेमा निमार्णधीन सोलुखोला दुधकोशी हाइड्रोपाावर परिसरमा भेटीएको प्रेसर कुकर बम नेपाली सेनाले निश्क्रिय पारेको छ ।

आयोजनाको एक्स्काभेटरमा आगजनी गरेको समुहले नजिकै राखेको प्रेसर कुकर बम आज बिहान निष्कृय पारिएको जिल्ला प्रहरी कार्यालय सोलुखुम्बले जनाएको छ । सोलुखुम्वुका प्रहरी निरीक्षक उत्तम कार्कीका अनुसार बम डिस्पोज गर्न उदयपुरबाट नेपाली सेनाको डिस्पोजल टोली सोलुखुम्बु आएको थियो ।

निर्माणाधीन ८६ मेगावाट क्षमताको हाईड्रोपावरमा प्रयोग गरिएको एक्स्काभेटरमा शनिबार नचिनेका मानिसको समूहले आगजनी गरेको थियो । आगजनीबाट एक्स्काभेटरको बाहिरी भाग जलेर नष्ट भएको छ । प्रहरीले घटनाको विषयमा अनुसन्धान थालेको भएपनि घटना कसले र किन गरायो भन्ने खुलेको छैन ।