काबुलको विवाह मण्डपमा बम विस्फोट, ६३ जनाको मृत्यु, एक सय ८०भन्दा बढी घाइते

title
आइतवार, भदौ १, २०७६

एजेन्सी । अफगानिस्तानको राजधानी काबुलमा एउटा विवाह मण्डपमा बम विस्फोट हुँदा ६३ जनाको ज्यान गएको छ ।

शनिबार राति १०ः४० बजे पश्चिमी काबुलस्थित शह्र–ए–दुबई विवाह मण्डपमा भइरहेको त्यस वैवाहीक कार्यक्रममा आत्मघाती बम विस्फोट भएको अफ्गानिस्तानको गृह मन्त्रालयका प्रवक्ता नुसरत रहीमीले जनाएका छन् ।

विस्फोटमा परी एक सय ८० जना भन्दा बढी घाइते भएका छन् । घाइतेहरुको स्थानीय अस्पतालमा उपचार भइरहेको छ । अल्पसंख्यक शिया हजारा समुदायको जनसंख्या धेरै रहेको क्षेत्रमा भएको विस्फोटको जिम्मा तालीबानी लडाँकुले आफ्नो नभएको जनाएको छ ।

यो घटना कुन समूह अथवा कसले गराएको भन्ने बारेमा अनुसन्धान भइरहेको अधिकारीहरुले जनाएका छन् । त्यस वैवाहीक समारोहमा एक हजार जना भन्दा बढी पाहुनाहरु सहभागी भएको प्रत्यक्ष्ँदर्शीले बताएका छन् ।