कोरियामा रहेका लीलाले ल्याए ‘बाँचेकै छु जसोतसो’

title
बिहिबार, भदौ २६, २०७६

वैदेशिक रोजगारीका क्रममा दक्षिण कोरिया रहेका लीला खतिवडाले ‘बाँचेकै छु जसोतसो’ बोलको म्युजिक भिडियो सार्वजनिक गरेका छन् ।

विदेशको रोजगारीसँगै बाँकी रहेको समयमा साहित्यिक लेखनमा सक्रिय खतिवडाले परदेशमा पुगेपछिको प्रेमभावलाई समेटेर लेखेको गीत म्युजिक भिडियोका रुपमा सार्वजनिक गरेका हुन् ।

निर्मल दियालीले संगीत गरेको यो गीतमा गोपाल रसाइलीले संगीत एरेन्ज गरेका छन् । गीतमा रेडियो नेपालको आधुनिक गीत प्रतियोगितामा दोस्रो भएका बेनुप छेत्रीको स्वर छ ।

माया, प्रेम, विछोडका भावनालाई जोडेर तयार पारिएको म्युजिक भिडियोमा ऋचा थापा , सुमन खतिवडा र अमर दिपको अभिनय छ ।

कीर्तिपुरको चोभार, दरबार मार्गलगायतका रमणीय स्थानहरुमा छायांकन गरिएको भिडियोलाई युवराज वाइवाले निर्देशन गरेका छन् ।