नेपाल क्रिकेट संघको चुनाव असोजमा गर्ने सहमति

नेपाल क्रिकेट संघको चुनाव असोजमा गर्ने सहमति
सोमवार, भदौ ३०, २०७६

काठमाडौं । नेपाल क्रिकेट संघ (क्यान)को निर्वाचन आगामी असोज १० र ११ गते हुने भएको छ ।

राष्ट्रिय खेलकुद परिषद (राखेप) , अन्तर्राष्ट्रिय क्रिकेट परिषद (आईसीसी) र स्वतन्त्र कमिटीका प्रतिनिधिसहितको बैठकले आगामी असोज १० र ११ गते क्यानको निर्वाचन गर्ने सहमति जुटाएको हो ।

क्यानको केन्द्रीय निर्वाचनसँग सम्बन्धित प्रक्रियामा समस्या देखिएपछि विवाद समाधानका लागि भन्दै आईसीसीका प्रतिनिधि आइतबार नेपाल आएका थिए ।

नेपाल आएका आईसीसी प्रतिनिधि इमरान ख्वाजा र अमर शेखसहतिको टोलीले क्यानको निर्वाचनका सन्दर्भमा सोमबार बिहान राखेपका सदस्य सचिव रमेश सिलवार र स्वतन्त्र कमिटीका कानूनी सल्लाहकार राजेश्वर श्रेष्ठसँग छलफल गरेको थियो ।

सोही छलफल पश्चात क्यानको केन्द्रीय निर्वाचन असोज १० र ११ गते स्वच्छ, निश्पक्ष र मर्यादित तरिकारले सम्पन्न गर्ने गरी सहमति जुटेको हो ।