पशुपतिनाथ मन्दिरको गेटमा भेटिएको शंकास्पद वस्तु डिस्पोज

पशुपतिनाथ मन्दिरको गेटमा भेटिएको शंकास्पद वस्तु डिस्पोज
सांकेतिक तस्वीर
शुक्रबार, अशोज ३, २०७६

काठमाडौं- पशुपतिनाथ मन्दिरको गेट अगाडि फेला परेको शंकास्पद वस्तु डिस्पोज गरिएको छ ।

पशुपतिनाथ मन्दिरको दुई नम्बर गेट प्रवेशद्वार नजिक बमजस्तो देखिने शंकास्पद वस्तु नेपाली सेनाको बम डिस्पोजल टोलीले डिस्पोज गरेको हो ।

शंकास्पद वस्तु देखिएपछि सर्वसाधारणले प्रहरीलाई खबर गरेका थिए । खबर पाएलगत्तै महानगरीय प्रहरी वृत्त गौशालाको टोलीले घटनास्थललाई नियन्त्रणमा लिएर डिस्पोजका लागि नेपाली सेनालाई खबर गरेको थियो ।