छोरासँग मिलेर ६२ वर्षीय पतिको हत्या : हत्यापछि फरार दुबै प्रहरी नियन्त्रणमा

सप्तरी– हत्या आरोपमा सप्तरी प्रहरीले आमा छोरालाई पक्राउ गरेको छ। कान्छो छोरासँग मिलेर पतिको हत्या  गरेको आरोपमा सप्तरी प्रहरीले आज पक्राउ गरेको हो।

पक्राउ पर्नेमा सप्तरीको महादेवा गाउँपालिका-१ पकरी निवासी २३ वर्षीय नहिम पमरिया र उनकी ५० बर्षीया आमा जमुनी खातुन रहेको प्रहरी नायव उपरीक्षक तिलक भारतीले जानकारी दिए। पारिवारिक बिवादका कारण दुई दिन अघि आइतबार राती मदिराको सुरमा नहिम पमरियाले बुवालाई कुटपिट गर्दा ६२ वर्षीय मो. गफुर पमरियाको मृत्यु भएको थियो ।

मृत्यु भएपछि मृतकका कान्छा छोरा नहिम र श्रीमती जमुनी खातुन फरार भएका थिए। पक्राउ परेका दुबै जना आमाछोराको हत्यामा संलग्नता रहेको गाउँलेहरुले आंशका गरेपछि अनुसन्धानको लागि उनीहरुलाई पक्राउ गरिएको प्रहरीले जनाएको छ

दिनहुँ मदिरा सेवन गरेर घर आउने नइमले बुवासँग झगडा गरी कुटपिट गर्दा उनको मृत्यु भएको स्थानीयबासीको भनाई छ। यता पक्राउ परेका दुवै जनालाई नियन्त्रणमा लिई अनुसन्धान कार्य अगाडि बढाइएको जिल्ला प्रहरी कार्यालय सप्तरीले जनाएको छ।