मन्त्री बरालद्धारा तौलिहवा अस्पतालको अनुगमन

मन्त्री बरालद्धारा तौलिहवा अस्पतालको अनुगमन
बुधबार, मंसिर २५, २०७६

रमेश मिश्रा कपिलबस्तु– जिल्लाको सदरमुकाम अवस्थित तौलिहवा असपतालको प्रदेश नं. ५ का सामाजिक विकास मन्त्री सुर्दशन बरालद्धारा अनुगमन गरिएको छ ।

अस्पतालको अवस्थाको बारेमा अस्पतालका व्यवस्थापक रत्नाकर शुक्लाले मन्त्री बराललाई जानकारी गराएका हुन ।

अनुगमनको क्रममा बोल्दै मन्त्री बरालले यसको सेवा विस्तार गर्नका लागि छिटै नै प्रदेश सरकारले अस्पतालमा भरखर जन्मेका बच्चाका लागि एन आई सिउ सेवा उपलब्ध गराउने बताए ।

उनले भने यस क्षेत्रको सबभन्दा ठुलो अस्पताल रहेकोले यसको विकासका लागि प्रदेश सरकार विशेष सहयोग गर्ने प्रतिवद्धता समेत जनाएका छन् ।

मंत्री बरालको साथमा प्रदेश सभा सदस्यहरु धर्म बहादुल लाल श्रीवास्तव, प्रदेश सभा सदस्य एवं सामाजिक विकास समितिका सभापति दिर्घ नारायण पाण्डेय, फौजिया नसिम, नेकपाका नेता दीपक पाण्डेय लगायतको उपस्थिति रहेको थियो ।