तेस्रो टी – ट्वान्टीमा आयरल्याण्ड बिजयी

तेस्रो टी – ट्वान्टीमा आयरल्याण्ड बिजयी
बुधबार, फाल्गुन २८, २०७६

काठमाडौं – अफगानिस्तानले आयरल्याण्डविरुद्धको तीन खेलको टी – ट्वान्टी सिरिज २ – १ ले जीतेको छ ।

तेस्रो तथा अन्तिम टी-ट्वान्टीमा आयरल्याण्डले अफगानिस्तानलाई सुपर ओभरमा हराएसँग प्रतियोगितामा आयरल्याण्डले सान्त्वना जीत निकालेको हो ।

आयरल्याण्डले दिएको १ सय ४३ रनको लक्ष्यसहित जवाफी ब्याटिङ गरेको अफगानिस्तानले २० ओभरमा ७ विकेट गुमाएर १ सय ४२ रन जोडेपछि खेल सुपर ओभरमा गएको थियो ।

सुपर ओभरमा अफगानिस्तानले १ विकेट गुमाएर ८ रन बनायो । आयरल्याण्डले भने १ विकेट गुमाएर १२ रन जोड्दै जित हात पार्यो ।

आयरल्याण्डले जीतेसँगै अफगानिस्तानले प्रतियोगिता क्लिनसिप गर्न सकेन ।