लकडाउनको दोस्रो दिन पनि काठमाडौंका सडक सुनसान

काठमाडौं– सरकारले कोरोना भाइरस संक्रमणको जोखिम न्यूनीकरणका लागि हिजोदेखि अत्यावश्यकबाहेक सम्पूर्ण सेवा बन्द गरेसँगै काठमाडौं सुनसान बनेको छ ।

कोरोना संक्रमणसम्बन्धी उच्चस्तरीय समितिको सोमबार बसेको बैठकले आज बिहान ६ बजेबाट एक सातासम्मका लागि घरबाट बाहिर निस्कन रोक लगाएको हो ।

कोरोना भाइरसको सम्भावित जोखिम रोक्न ‘लकडाउन’ गरिएसँगै काठमाडौं सुनसान बनेको हो । लकडाउनको दोस्रो दिन आज पनि काठमाडौंमा छिटफुट सवारी साधन मात्र चलेका छन् । त्यो पनि अत्यावश्यक मात्र । प्रहरीले सुरक्षा व्वयस्था कडा बनाएको छ ।

सडकमा मानिसहरु हिडेका छैनन् । अत्यावश्यक कामका लागि हिडेका मानिसहरुलाई पनि प्रहरीले सोधपुछ गरेर अवस्था हेरी गन्तव्यमा जान दिएको छ । अन्यथा सवैमा लगाइएको छ ।

सडकमा अत्यावश्यकीय सवारी साधन ट्यांकर, प्रेसका गाडी, एम्बुलेन्स मात्र चलेका छन् ।

अनुमतिप्राप्त सवारी साधन, स्वास्थ्यकर्मी, सुरक्षा निकायले प्रयोग गर्ने बाहेक सबै प्रकारका सार्वजनिक वा निजी यात्रुवाहक सवारी साधन संचालनमा पूर्ण रोक लगाइएको छ ।