लकडाउनमा थप कडाइ गर्ने सरकारको निर्णय

लकडाउनमा थप कडाइ गर्ने सरकारको निर्णय
शनिबार, चैत्र २२, २०७६

काठमाडौं । सरकारले लकडाउनमा थप कडाइ गर्ने निर्णय गरेको छ ।

मन्त्रिपरिषदको शनिबार बसेको बैठकले लकडाउनमा कडाइ गर्दै एक प्रदेशबाट अर्को प्रदेश, एक जिल्लाबाट अर्को जिल्ला र एक स्थानीय तहबाट अर्कोमा जान नदिने निर्णय गरेको हो ।

त्यस्तै सरकारले कैलाली, कञ्चनपुर र बागलुङमा कोरोना भाइरस (कोभिड–१९) को र्‍यापिड टेष्ट गर्ने भएको छ ।

बैठकले तीन जिल्लामा उच्च सतर्कताका साथ परीक्षण बढाउने निर्णय गरेको सरकारका प्रवक्ता डा. युवराज खतिवडाले जानकारी दिए ।

त्यस्तै स्वास्थ्यकर्मीको स्वास्थ्य सुरक्षालाई ख्यालमा राख्दै उपचारमा परिचालन गर्ने निर्णय गरेको मन्त्री खतिवडाले जानकारी दिए।

लकडाउन बढाउने विषयमा बैठकले कुनै निर्णय नगरेको मन्त्री खतिवडाले बताए ।