कोरोनाका कारण बेलायतमा थप एक नेपालीको मृत्यु

कोरोनाका कारण बेलायतमा थप एक नेपालीको मृत्यु
आइतवार, बैशाख २८, २०७७

काठमाडौं-  बेलायतमा कोभिड-१९ बाट थप एक पूर्वगोर्खा सैनिकको मृत्यु भएको छ।

ताप्लेजुङ मौवाखोला स्थायी घर भएका ७७ वर्षीय कर्णबहादुर राईको उपचारको क्रममा मृत्यु भएको लण्डनस्थित नेपाली दूतावासका प्रवक्ता शरदराज आरणले जानकारी दिए।

श्‍वासप्रश्‍वासमा समस्या देखिएपछि १० दिनअघि उनलाई मेडिस्टोन अस्पतालमा भर्ना गरिएको थियो।

राई तीन वर्षदेखि बेलायतको मेडिस्टोनमा श्रीमती, एक छोरा र एक छोरीसहित बस्दै आएका थिए।

बेलायतमा कोरोना संक्रमणबाट मृत्यु हुने नेपालीको संख्या ४५ पुगेको छ।