अमेरिकन आइडलमा नेपाली गायक दिवेश दोस्रो बने, नेपालका लागि ऐतिहासिक उपलब्धि

अमेरिकन आइडलमा नेपाली गायक दिवेश दोस्रो बने, नेपालका लागि ऐतिहासिक उपलब्धि
सोमवार, जेष्ठ ५, २०७७

काठमाडौं- विश्व चर्चित गायन रियालिटी शो अमेरिकन आइडलमा नेपाली युवा दिवेश पोखरेल ‘आर्थर गन’ दोस्रो बनेका छन्।

उनले सोमबार बिहान भएको १८औँ संस्करणको फाइनल प्रस्तुतिपछि भएको भोटिङमा दोस्रो स्थान हासिल गरेका हुन्।

नेपालीले कलाकारले हासिल गरेको यो ऐतिहासिक उपब्धि हो।

पाँच जनामा भएको फाइनल प्रतिस्पर्धापछि उत्कृष्ट दुई जना छनोट गरिएको थियो। उत्कृष्ट दुईमा आर्थर गन र जस्ट साम छनोट भएका थिए। दिवेश सामसँग पछि परेका हुन्।

गत फागुनको पहिलो हप्ता भएको अमेरिकन आइडलमा अडिसनबाट छनोटसँगै दिवेशको चर्चा एकाएक चुलिएको थियो। उनी सन् २०१४ मा उच्च शिक्षा अध्ययनका लागि काठमाडौंबाट अमेरिका पाइला टेकेका थिए।