हवाई जहाजका लागि इन्जिन बनाउने बेलायतको रोल्स–रोयस कम्पनी संकटमा

हवाई जहाजका लागि इन्जिन बनाउने बेलायतको रोल्स–रोयस कम्पनी संकटमा
बिहिबार, जेष्ठ ८, २०७७

काठमाडौं – हवाई जहाजका लागि इन्जिन बनाउने बेलायतको रोल्स–रोयस कम्पनी संकटमा परेको छ ।

कोरोनाभाइरसका कारण आर्थिक संकट देखिएको भन्दै कम्पनीले कम्तीमा ९ हजार कर्मचारी कटौती गर्ने घोषणा गरेको छ ।

कम्पनीका प्रमुख कार्यकारी वारेन इस्टले वर्तमान संकट आफूहरूका कारण सिर्जना नभएको जनाउँदै यस सङ्कटलाई सबैले मिलेर सामना गर्नुको विकल्प नरहेको बताए ।

आर्थिक संकटले कर्मचारी कटौती गर्न लागिएको जनाउदै उनले विश्वभर छरिएर रहेका कम्पनीमा कार्यरत २५ प्रतिशत कर्मचारी हटाउनै पर्ने अवस्था आएको जनाएका छन् ।

कम्पनीका कर्मचारीको व्यवस्थापन र अन्य कार्यका लागि करिब ८० करोड पाउन्ड खर्च हुनेछ ।