आज कपिलवस्तुमा संक्रमण पुष्टि भएका ९ मध्ये दुई जना पत्रकार

आज कपिलवस्तुमा संक्रमण पुष्टि भएका ९ मध्ये दुई जना पत्रकार
शुक्रबार, जेष्ठ ९, २०७७

रमेश मिश्र

कपिलवस्तु– शुक्रबार विहान कपिलवस्तुमा कोरोना संक्रमण पुष्टि भएको ९ जना मध्ये २ जना पत्रकार रहेको खुलेको छ ।

स्वास्थ्य मन्त्रालयका अनुसार एक ८ वर्षीय बालकसहित कपिलवस्तुका ९ जनामा आज कोरोना पुष्टि भएको हो ।

शुक्रबार कोरना पुष्टि भएकामध्ये सबैभन्दा बढी सर्लाहीमा १५ जना छन् ।  यसैगरी आज संक्रमण पुष्टि भएका मध्ये २ जना चितवनका र नवलपरासीको सुस्ता पूर्व र सुस्ताका गरी ४ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

योसँगै नेपालमा कोरोना संक्रमितको संंख्या ४८७ पुगेको छ । जसमध्ये ३ जनाको मृत्यु भएको छ ।  आज संक्रमण पुष्टि भएको सबैको स्वास्थ्य अवस्था सामान्य रहेको स्वास्थ्य मन्त्रालयले जनाएको छ ।