मुस्लिम धर्मावलम्बीको पर्व ईद–उल–फित्रमा सार्वजनिक बिदा दिने सरकारको निर्णय

सरकारले मुस्लिम धर्मावलम्बीको पर्व ईद–उल–फित्रका दिन सार्वजनिक बिदा दिने निर्णय गरेको छ ।
शुक्रबार बसेको मन्त्रिपरिषद् बैठकको सार्वजनिक विदा दिने निर्णय गरेको हो । निर्णय सार्वजनिक गर्दै सरकार प्रवक्ता एवं अर्थमन्त्री युवराज खतिवडाले भने, ‘यो सैद्धान्तिक निर्णय हो । इस्लाम धर्मगुरूहरूले कुन दिन उपयुक्त हुन्छ भनेर तय गरेर उहाँहरूले तोकेपछि सोही दिन बिदा दिइने छ’ ।
साथै,सरकारले संविधान संशोधनको प्रस्ताव प्रतिनिधि सभामा पेस गर्ने निर्णय गरेको छ ।