घरमा काम गर्ने २ जनामा कोरोना देखिएपछि बलिउड कलाकार करण जौहर आइसोलेसनमा

घरमा काम गर्ने २ जनामा कोरोना देखिएपछि बलिउड कलाकार करण जौहर आइसोलेसनमा
मङ्लबार, जेष्ठ १३, २०७७

एजेन्सी- बलिउडका निर्माता, निर्देशक तथा कलाकार करण जौहर आइसोलेसनमा बसेका छन्।

आफ्नो घरमा काम गर्ने दुई जनामा कोरोना भाइरसको संक्रमण पुष्टि भएपछि उनी आइसोलेसनमा बसेका हुन्।

कोरोनाको लक्षण देखिएपछि दुवैलाई क्वारेन्टिनमा राखिएको र पूरै घरलाई स्यानिटाइज गरिएको उनले बताएका छन्।

परिवारका सबै सदस्य र काम गर्नेहरुको कोरोना परीक्षण गरिएकोमा दुई जनाबाहेक सबैको रिपोर्ट नेगेटिभ आएको करणले जानकारी दिएका छन्।

अब उनी १४ दिन आइसोलेशनमा बस्ने भएका छन् । यद्यपि करणलाई भने कोरोना परीक्षणमा पोजेटिभ नदेखिएको बीबीसीले जनाएको छ ।

रिपोर्ट नेगेटिभ आए पनि आफन्त र छिमिकीको स्वास्थ्य सुरक्षाका लागि आफू १४ दिन आइसोलेशनमा बस्ने करणले ट्विट गर्दै जाकारी दिएका छन् ।