स्पेनिस ला लिगामा आज सेभिया र बिल्बाओ भिड्दै

स्पेनिस ला लिगामा आज सेभिया र बिल्बाओ भिड्दै
बिहिबार, असार २५, २०७७

एजेन्सी । स्पेनिस ला लिगा फुटबलमा आज (बिहीबार) सेभिया र एथ्लेटिक बिल्बाओबीच प्रतिस्पर्धा हुँदैछ ।

सेभियाले बिल्बाओसँग उसैको मैदानमा खेल्नेछ । दुई टोलीबीचको खेल राति १ः४५ बजे सुरु हुनेछ ।

बिल्बाओको मैदानमा सेभिया सहज जितको खोजीमा हुनेछ । यस्तै सेभिया जित निकाल्दै लिगको तेस्रो स्थानमा उक्लन चाहन्छ ।

६० अंक जोडेको सेभिया लिगको चौंथो स्थानमा रहेको छ । बिल्बाओलाई पराजित गरेमा सेभिया एट्लेटिको मड्रिडलाई पछि पार्दै तेस्रो स्थानमा उक्लनेछ ।

४८ अंक जोडेको बिल्बाओ नवौं स्थानमा रहेको छ । बिल्बाओ पनि घरेलु मैदानमा सेभियालाई हराएर अंक तालिका सुधार गर्न चाहन्छ ।

ला लिगा अन्तर्गत नै अर्को खेलमा लेभान्टेले मालोर्कासँग खेल्नेछ ।

त्यस्तै लेगानेस र इबरबीच समेत प्रतिस्पर्धा हुनेछ ।