उपत्यका भित्रिने नाकामा गरिएको परीक्षणमा ४० जनामा कोरोना संक्रमण

उपत्यका भित्रिने नाकामा गरिएको परीक्षणमा ४० जनामा कोरोना संक्रमण
मङ्लबार, साउन २०, २०७७

काठमाडौं-काठमाडौं उपत्यकामा भित्रिने नाकामा गरिएको पीसीआर परीक्षणमा ४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रलायका अनुसार उपत्यका भित्रिने विभिन्न नाकाहरूमध्ये नागढुंगाबाट भित्रिनेहरूमा सबैभन्दा धेरैलाई संक्रमण देखिएको छ।

विभिन्न नाका गरी १० हजार ८५३ जनाको कोरोना परीक्षण गरेकोमा ४० जनालाई संक्रमण देखिएको मन्त्रालयले जानकारी दिएको हो ।

जसमध्ये नागढुंगामा १६ जना, साँगामा १३ जना र फर्पिङमा ११ जना गरी ४० जना जनामा कोरोना संक्रमण देखिएको स्वास्थ्य मन्त्रालयलका प्रवक्ता डा. जागेश्वर गौतमले जानकारी दिएका छन् । ।