सुशान्तकी प्रेमिका रियाको फोन डिटेल : सुशान्तको आत्महत्यापछि ४ पटक भएको थियो बान्द्राका डीसीपीसँग फोनवार्ता

सुशान्तकी प्रेमिका रियाको फोन डिटेल : सुशान्तको आत्महत्यापछि ४ पटक भएको थियो बान्द्राका डीसीपीसँग फोनवार्ता
शुक्रबार, साउन २३, २०७७

मुम्बई – बलिउड अभिनेता सुशान्त सिंह राजपूतले आत्महत्या गरेपछि यसबारेमा अनुसन्धान चलिरहेको छ । उनकी प्रेमिका रिया चक्रवर्तीलाई शंकाको घेरामा राखिएको छ ।

हालै प्रहरीले रियाको फोन डिटेल निकालेको छ । उक्त डिटेलमा सुशान्तको मृत्युपछि चारपटक रिया बान्द्रा प्रहरीका डीसीपीको सम्पर्कमा आएको भारतीय मिडियाले उल्लेख गरेका छन् ।

मिडिया रिपोर्टका अनुसार बान्द्रा डीसीपी अभिषेक त्रिमुखेका बीच चारपटक फोनमा कुरा भएको थियो । एकपटक म्यासेजका माध्यमबाट पनि सम्पर्क भएको थियो ।

फोन रेकर्डअनुसार रियाले डीसीपीलाई ३ पटक फोन गरेकी थिइन् भने डीसीपीले एकपटक रियालाई फोन गरेका थिए ।

उक्त समयमा मुम्बई प्रहरीले सुशान्तले आत्महत्या गर्नुको कारण पत्ता लगाउने कोशिश गर्दै कैयन् मेकर, उनका नजिकका साथी र स्टाफसँग सोधपुछ गरिरहेको थियो ।

केही समयअघि पनि रियाले बिहार प्रहरीमा परेको उजुरी मुम्बई प्रहरीमा ट्रान्सफर गर्न भन्दै याचिका दायर गरेकी थिइन् । यता सुशान्तका वकिलले पनि रियालाई मुम्बई प्रहरीले समर्थन गरेको आरोप लगाएका थिए ।

डीसीपीसँग कुरा भएको पाइएपछि यो मुद्दालाई थप शंकास्पद रुपमा हेरिएको छ ।

रियासहित ६ जनाविरुद्ध एफआईआर दर्ता गरेर सीबीआईले पनि उक्त घटनाको अनुसन्धान थालेको छ ।