अर्को वर्ष क्लब छाड्ने एमबाप्पेको योजना

अर्को वर्ष क्लब छाड्ने एमबाप्पेको योजना
आइतवार, भदौ २८, २०७७

काठमाडौं – अहिले विश्व फुटबल बजारमा फ्रान्सका युवा स्टार किलियन एमबाप्पेको भविष्य कुन क्लब होला भन्ने अड्कल बाजी चलिरहेको छ ।

अहिले फ्रान्सको लिग वान क्लब पेरिस सेन्ट जर्मेनमा रहेका एमबाप्पेको क्लबसँग सन् २०२१–०२२ सिजनसम्मका लागि सम्झौता रहेको छ ।

यहिँ बीच पीएसजीले एमबाप्पेसँगको सम्झौता बढाउने विषयमा छलफल गरेको छ । तर, उनले अहिले क्लबसँग सम्झौता थप्ने योजना भन्दा पनि अर्को सिजनमा आफुले क्लब छाड्ने योजना बनाएको भन्दै बोर्डलाई प्रतिक्रिया दिएको दी टाइम्सले लेखेको छ ।

उनको उक्त प्रतिक्रिया पछि अब पीएसजीले उनका लागि योग्य क्लब खोज्ने तयारी गरेको समाचारमा बताइएको छ ।

एमबाप्पेका लागि स्पेनिस महारथि रियल मड्रिडले रुचि देखाएको यसअघि देखि चर्चाकै विषय हो भने उनी स्वयम पनि स्पेनको राजधानी आउने योजनामा रहेको स्पेनिस पत्रिका मार्काले लेखेको छ ।

रियल मात्रै होइन एमबाप्पेका लागि म्यान्चेस्टर सिटी र म्यान्चेस्टर युनाइटेडलेपनि रुचि देखाएका छन् भने पक्कै पनि स्पेनकै बार्सिलोनाले उनलाई आफ्ना स्टार लियोनल मेस्सीले छाडेको खण्डमा उनको स्थानान्तरणका रुपमा पनि लैजाने योजना बनाएको छ ।

युवा स्टाइकरमा सबै क्लबले आखाँ लगाइरहेका छन् । तर, अहिले त उनी कोरोना भाइरस संक्रमण पुष्टि भएपछि आइसोलेसनमा बसिरहेका छन् ।