७ बुँदे घोषणा पत्र जारी गर्दै सकियो इलामेलीको विश्व भेला

७ बुँदे घोषणा पत्र जारी गर्दै सकियो इलामेलीको विश्व भेला
आइतवार, अशोज ४, २०७७

काठमाडौँ- आगामी वर्ष समृद्धि भेला गर्ने समझदारीसँगै इलामेलीहरुको विश्व भेला सकिएको छ ।

शनिबार भर्चुअल माध्यमबाट भएको भेलामा विश्वभर रहेका इलामेहरुले सहभागिता जनाएका थिए। भेलाले ७ बुँदे घोषणा पत्र जारी गरेको छ ।

विश्वभरका इलामेलीहरुको भेला यहि २०७७ असोज ३ शनिबार गते साँझ आगामी वर्ष इलाम समृद्धि भेलाको आयोजना गर्ने गरि ७ वुँदे घोषणा पत्र जारी गर्दै इलामेली विश्व भेला सम्पन्न भएको आयोजक समिति सचिवालय सचिव अर्जुन भट्टराईले बताएका छन् ।

जिल्ला समन्वय समिति इलामकोले संयोजनमा भएको भेलामा ४०० इलामेको सहभागिता रहेको आयोजक समित सचिवालयका सचिव अर्जुन भट्टराईले जानकारी दिए ।

भेलामा सहभागी भएका पूर्वप्रधानमन्त्री तथा नेकपाका वरिष्ठ नेता झलनाथ खनालले इलामलाई नमूना जिल्ला बनाउन सबैले आआफ्नो क्षेत्रबाट भूमिका खेल्ने बताए ।

संविधानसभा अध्यक्ष तथा नेकपा संसदीय दलका उपनेता सुवास सुवासचन्द्र नेम्वाङले इलामको समृद्धिका लागि सबै इलामेको सक्रियता चाहिने बताए ।

प्रदेश १ का कृषि राज्यमन्त्री रामरानाले इलामलाई कृषिसँगै अन्य क्षेत्रको विकास गर्न दीर्घकालीन योजना बनाएर अघि बढ्ने बताए ।

भेलामा सांसदहरु, राजनीति दलका प्रतिनिधिहरु, इलामका सबै स्थानीय तहहरु, विश्वभरका इलामेली समाज र विभिन्न क्षेत्रका विज्ञहरु तथा प्रतिनिधिहरुले आफ्नो धारणा राखेको आयोजक समिति सदस्य कृष्ण शाहले जानकारी दिए ।

Image may contain: 3 people, including Prakash Pokharel

के छन् ७ बुँदामा

इलामेलीको विश्व भेलाले जारी गरेको ७ बुँदे घोषणा पत्रमा कोभिडविरुद्ध एक भएर लड्नेदेखि इलामलाई समृद्ध बनाउन गरिने पहललाई समेटिएको छ ।

यस्ता छन् घोषणा पत्रमा समावेश गरिएका ७ बुँदा

– विश्वमा रहेका इलामेलीहरुको तथ्यांक संकलन गर्दै विश्व मञ्च तयार गर्ने,

– कोभिड १९ को संक्रमणबाट बच्न सबै इलामेलीबीच सूचना आदानप्रदान गर्ने र इलामलाई महामारीबाट बचाउन विश्वभरबाट इलामको स्वास्थ संस्थाहरुको स्तर वृद्धिमा सहयोग गर्ने,

– इलामको उत्पादन र पर्यटनलाई विश्व बजारमा बजारीकरण गर्न पहल गर्ने,

– इलामको पर्यटन विकास र कृषि औधोगीकरण गर्न स्रोतमा साझेदारी र लगानी गर्ने,

– इलामको सम्मृद्धिमा प्रयोग भएका सफल अभ्यासहरुलाई देशको अन्य जिल्लाहरुमा विस्तार गर्न साझेदारी र सहजीकरण गर्ने,

– इलामलाई पूर्ण साक्षर जिल्लाको रुपमा घोषणा गर्ने तथा इलामलाई शैक्षिक हव बनाउन पहल गर्ने,

– परिस्थिती सहज भएमा आगामी वर्ष इलाममा विश्व इलाम समृद्धि सम्मेलन आयोजना गर्ने ।