हास्य कलाकार मनोज गजुरेलले  कोरोना संक्रमणमुक्त

हास्य कलाकार मनोज गजुरेलले  कोरोना संक्रमणमुक्त
आइतवार, कार्तिक ३०, २०७७

काठमाडौं- हास्य कलाकार मनोज गजुरेल कोरोनाभाइरस संक्रमणमुक्त भएका छन् ।

दशैँको समयमा कोरोना संक्रमित भएका गजुरेल ११ दिनको अस्पताल बसाइपछि घर फर्किएका हुन् । कोरोना संक्रमित भएर स्वास्थ्यमा समस्या आएपछि गजुरेल बलम्बुस्थित एपीएफ कोभिड विशेष अस्पतालमा भर्ना भएका थिए ।

‘११ दिनको अस्पताल बसाइपछि घर फर्किएर आराम गरिरहेको छु’, गजुरेलले सामाजिक सञ्जालमार्फत भने, ‘कोभिड–१९ का सबै रिपोर्ट नेगेटिभ आएका छन् । केही दिनमा पूर्ण स्वस्थ भएर काममा फर्कने छु ।’

उनले उपचार सेवा प्रदान गर्ने बलम्बिुस्थित एपीएफ अस्पताल, परिवारका सदस्यका साथै शुभचिन्तकहरुलाई धन्यवाद दिएका छन् ।