आईसीसीको अध्यक्षमा न्युजिल्याण्डका ग्रेक बार्सिले चयन

आईसीसीको अध्यक्षमा न्युजिल्याण्डका ग्रेक बार्सिले चयन
बुधबार, मंसिर १०, २०७७

काठमाडौँ– अन्तर्राष्ट्रिय क्रिकेट परिषद् (आईसीसी) को अध्यक्षमा न्युजिल्याण्डका ग्रेक बार्सिले चयन भएका छन् ।
आईसीसीको बुधबार सम्पन्न भोटिङबाट बार्सिल्य छनोट भएका हुन् ।

उनी निवर्तमान उपाध्यक्ष इमरान ख्वाजालाई पराजित गर्दै आफु अध्यक्षमा निर्वाचित भएका हुन् । आईसीसीको अध्यक्षको भोटिङ सकिएको २४ घण्टापछि नतिजा सार्वजनिक गरिएको थियो ।

इमरान ख्वाजाले कुन देशको प्रतिनिधित्व गर्दै आईसीसी बोर्ड सदस्यमा कार्यरत थिए भन्ने कुरामा आईसीसी समेत दुविधामा रहेको टाइम्स अफ इन्डीयाले उल्लेख गरेको छ ।

ग्रेरी बार्सिलेसँग सन् २०१२ देखि न्युजिल्याण्ड क्रिकेटको निदेशकमा रहेर काम गरेको अनुभव छ भने सन् २०१५ को आईसीसी विश्वकपमा पनि डाइरेक्टर भएर काम गरेका थिए ।